پیرس دەست ب بەرهەڤییان کر بۆ خولا پلا دویێ یا کوردستانێ
شاهۆ فەرید
یانەیا پیرس پشتی ڤەقەتیانەکا درێژ دووبارە دێ ڤەگەرنە خولا کوردستانی یا فۆتبولێ ئەڤ جارە ژی ژ پلەیا دو دێ دەستپێکەن، د داخویانیەکێ دا سەرۆکێ یانەیێ د. بەهزاد سالح بۆ رۆژنامەیا ئەڤرۆ دیارکر: هەمی بەرهەڤی شێوەکێ باش هاتینە ئەنجامدان، ئەڤە چەندین سالە ئەم ژ هەڤرکی و خولیێن ناڤخوەیی دوویرکەفتین، بەلێ ئەم دێ هێز ڤەگەرین ئارمانجامەیا سەرەکی دەربازبوونە بۆ خولا پلە ئێکا کوردستانێ، دەستەکا راهێنەران سەرپەرشتیا کاپتن نێچیرڤان شوکری یە، پشت بەستن مە دایە یاریزانێ ناڤخوەیی.
زێدەتر ناڤهاتی گۆت ژی: ئەڤە ماوەیێ چەندین سالە وەکۆ یانەیا پیرس مە یاریزان بەرهەم ئیناینە، ئەڤە دەم هات ئەم ئەڤان یاریزانان بگەهینە خول و قارەمانیا و پشکداریێ بکەن، ئەو سوز مە دایێ بجهبینین، ئەڤە ویێ چەندێ گەهینیت کۆ یانەیا پیرس هەموو یاریزان ژ ئەکادیمیا خوە سەر ئێخستینە هەتا گەهاندینە ئەڤی ئاستی کۆ رێزا ئێکی یاریێ بکەن، گەشبینم یاریزانێن خوە دێ ئاست و ئەنجامێن باش دەستڤەێینن، کۆمامە ژی ئاستیێ ویێ ناڤنجیە دێ مە دەلیڤەکا باش هەبیت بۆ دەربازبوونێ.
بۆ زانین بڕیارە ٢٠ێ تەباخێ خولا پلە دو یا کوردستانێ بهێتە ئەنجامدان و هەر کومەك تیمیێن ویێ پارێزگەهێ خوەڤەدگریت ئەویێن پشکدار، کۆما پارێزگەها دهۆکێ پێکهاتیە ژ یانەیێن( پیرس و باتیفا و بجیل و دینارتە و شێلادزێ و دینارتە و هەریر) سەرکێشی کومێ ئێکسەر دەربازی خولا پلە ئێک دبیت.
