راهێنهرێ دێرینێن دهۆكێ: نهبوونا یاریگهههكا تایبهته ئاریشەیا مه یا سەرەکی یە
تاهر رێكانی
خۆ بهرههڤكرن بۆ یاریێن خولا دێرینێن ههرێما كوردستانێ ههلبژارتیێ پارێزگهها دهۆك یاریهكا ههڤالینی دگهل دێرینێن ههلبژارتیێ ئیراقێ ئهنجامدا تێدا دهۆكێ تۆوشی خوسارەتیێ بووین (٣-چنە) گۆلان، لدۆر بهرههڤیێن دێرینێن دهۆكێ ئهڤ راپۆرته هاته بهرههڤكرن:
لدهستپێكێ ههرمان موئهیهد یاریزانێ دێرینێ ههلبژارتیێ دیاركر ههبوونا ڤێ خولێ گهلهك یا گرنگه دوور ژ ههر ئهنجامهكێ خۆشیا وێ ئهوه ئهم ههمی یاریزانێن كهڤنێن خرڤهبووین مه ئێكودو دیتی، ئهڤه خوشترین ههسته بۆ مه یاریزانان، ئهم پێدڤی راهێنانێن زێدهترین داكو شیانێن مه یێن جهستهیێ بزڤرن و بشیێن پشكداریهكا باش بكهین.
ژلایهكێ دووڤه محهمهد یوسف راهێنهرێ دهۆكێ ئاماژه دا وێ یهكێ كو د ماوهیێ مەهەکێ دایه شیاینە هژمارهكا باش ژ یاریزانێن كهڤن یێن یانهیێن پارێزگههی كومبكهن و دهست ب ئامادهكاریان بكهین، لێ مخابن مه یاریگهههكا باش نینه رۆژانه راهێنانێن خۆ لێ بكهین، یاریزان خێزاندارن و خودان كارن لهورا ههمی دهما نهشێن ل ژڤانێ راهێنانێ بهرههڤببن ئهگهر مه یاریگهههكا تایبهت ههبا ههر دهما مه دڤیابا دا چینه راهێنانان، لێ ههر چهوا بیت ئهم دێ ههمی شیانێن خۆ مهزێخین كو بشێین پشكداریهكا باش د خولا دێرینێن كوردستانێ دا بكهین، یاریا بەرانبەر دێرینێن ههلبژارتیێ ئیراقێ دێ مفایهكێ باش گههینته مه و ئهم دێ ژ نێزیك هایداری ئاستێ یاریزانێن خۆ بین.
دیسان راهێنهرێ دهۆكێ گۆت: تیما مه 50% یێ بهرههڤه بۆ پشكداریێ، دهربارهی ژیێ یاریزانان و گونجاندنا وان دگهل سهقایێ یاریێ محهمهدی ئهو چهند ژی دیاركر كو ههمی یاریزانێن مه ژیێ وان دسهر 40 سالیێ دانه بهلێ ب ههبوونا راهێنانێن بهردهوام دێ رۆژ ب رۆژێ هێز و شیانێن وان باشتر لێ هێن.
دهێته زانین كو ئهڤ خوله ب پشكداریا 10 تیمان ب شێوهیێ خول ئێك قۆناغ ب سهرپهرشتییا فدراسیۆنا فوتبولا كوردستانێ ل شەشێ مهها تهباخا بهێت هێته ئهنجامدان.
