وەرزشڤان نعمەت مەحموود د چەند رێزەكان دا
هەرهین محەمەد:
نعمەت مەحموود نعمەت كوچەر، ل سالا 1/7/1950 ل باژێرێ دهۆكێ ژ دایكبوویە، رێكەفتی 20/9/1957 ل قوتابخانا دهۆك یا ئێكێ دەست ب خواندنێ كریە و بەردەوام بوویە هەتا سالا 1964 ب سەركەفتیانە ب دووماهی ئینایە، د نافا وەرزشا قوتابخانەیان دا رۆلەكێ كاریگەر هەبوو تایبەت یاریێن گۆرەپانێ و فوتبۆلێ، رۆلێ وی یێ بەرجافبوو ب سەرپەرشتیا مامۆستایێ وەرزشێ(عەبدولوهاب) و ئەف بزاڤە دبنە بنیات بۆ ئاڤاكرنا كەسایەتی یا وی دڤی بیاڤی دا.
وەرزشڤانێ دێرین، نعمەت مەحموود ژبەر بارێ ژیانێ دەست ژ خواندنێ بەردەت ل گەل بابێ خوە كارێ گوشتفرۆشیێ دكەت، ل سالا 1966 دنافا رێكخستێن نهێنیێن پارتی دا دهێتە رێكسختن، ل گەل هەر ئێك ژ(ئسماعیل حەسەن پیرۆمەری، تەحسینێ جازێ، حەمید خەلیل مراری) دووف دا شانا وا دهێتە ئاشكەراكرن و ماوەكی دهێتە دەستەسەكرن، پشتی ئازادكرنێ ب رێكا (حیتو بالەتەی) پەیوەندیێ ب هێزا شێخان دكەت و دبیتە پێشمەرگە و دبیتە توپچی، پشتی نسكۆیا سالا 1975دبیتە فەرمانبەر ل نەخوشخانا چاڤا.
ل دور ژیانا وەرزشی ژی، ل ژیێ گەنجاتیێ سەرپەرتشیا چەندین تیمێن مللی دكەت دناف باژێری وەكۆ تیما (هەلگور)، رۆلەكێ كاریگەر دپێشڤەبرنا بزاڤا وەرزشی ل دهۆكێ دا دگێریت، ل سالا 1972راهینەریا یانەیا دهۆك بۆ چەندین سالان كریە هەتا سالا 1992 كارێ راهێنەریێ ل چەندین یانەیێن پارێزگەهێ كریە هەتا 2003 وەكۆ یانێن(دهۆك، سێمێل، گارە، شێخان) پشتی سەرهلدانا پیرۆز و ڤەبوونا تەلەڤزیونێن كوردی رۆلەكێ كاریگەر دشرۆڤەكرنا یاریێن فوتبۆلێ ل سەر ئاستێ نافخوە و ئیراقێ و دەرڤە دبینت، ل رێكەفتی 21/1/2022 ل رۆژا ئەینی وەغەرا دووماهیێ كر.
