كلیپەكا نوو ب هەردو زمانێن كوردی و رووسی بەلاڤكر
زنار تۆڤی
بۆ جارا ئێكێ، سترانەك ب هەردو زمانێن كوردی و رووسی بەلاڤكر، تێكستا زمانێ كوردی ژلایێ هێمن هەژار ڤە هاتیە نڤیسین و ئاوازا وێ ژلایێ ئەریوان ڤە هاتیە دانان، هەروەسا تێكستا رووسی ژی ژلایێ هونەرمەندا رووسی ئیلۆنایێ ڤە هاتیە دانان
ئانیس رەوشەن، خانمەكا سترانبێژە و ل سەر ڤی بەرهەمێ خۆ یێ نوو دیاركر: ل گەل ئارمیكێ برا خۆ بۆ مە یا خۆش بوو كو بۆ جارا ئێكێ د هونەرێ كوردی دا، سترانەكێ ب هەردو زمانێن كوردی و رووسی بەلاڤ بكەین و ئەزا كەیفخۆشم كو مە ئەڤ بەرهەمێ نوو بەلاڤكری.
ناڤهاتیێ گۆت: هونەرمەندا رووسی ئیلۆنا ئارابۆڤا، كلیپێن مە یێن بەری نوكە دیتبوون، نامە ڤرێكر و یا پێ خۆش بوو د ڤی بەرهەمی دا پشكداریێ بكەت، هەروەسا تێكستا رووسی ژی هەر وێ ب خۆ نڤێسیە، دەرهێنانا ڤیدیۆ كلیپێ ژلایێ ناسر حەیدەری ڤە هاتیە كرن و دیمەنێن وێ ل هەردو وەلاتێن توركیا و ئەلمانیادا هاتینە وێنەكرن.
