ژیانا مرۆڤی گەلەك ژ ناڤودەنگیا سۆشیال مەدیایێ ب بهاترە
هیڤی كەریم
شێوەكارێ گەنج (دلێرخیرالدین حسین) كو دەرچۆیێ پشكا شێوەكاری یە ل كولیژا هونەرێن جوان ل زانكۆیا دهۆك، د دیدارەكێ دا بۆ رۆژنامەیا ئەڤرۆ گۆت: ئەز ل سەر چێكرنا كەڤالان یێ بەردەوامم و نووترین كەڤالێ من چێكری ل دۆر قوربانیێن سۆشیال مەدیایێ بوو، كو ئەو ژی ب ناڤێ (هاوارەكا مرۆڤی و جڤاكی دژی كارتێكرنێن سۆشیالێ و مەدیایا نەرێنی بوون.
هەروەسا گۆت: دڤی كەڤالی دا كەسایەتیێن ناڤەندێن كارێن هونەرمەندی و ئەندامێن خێزانێ، ب تایبەت برایێ وی كو ب ئەگەرێ كارتێكرنا توندۆتیژیا دەروونی یا سۆشیال مەدیایێ ژیانا خۆ ژدەست دایە و ئەڤ كارەساتە بتنێ زیانێ ناگەهیتە كەسەكی، بەلكو برینەكا كویر دناڤ دلێ ئەندامێن خێزانێ دا چێدكەت، ژیانا مرۆڤی گەلەك ژ فۆلۆ و لایك و ناڤودەنگیا سۆشیال مەدیایێ ب بهاترە و چو تشتەك د سۆشیال مەدیایێ دا هێژایی هندێ نینە كو مرۆڤ ژبەر بكەڤیتە دنەخۆشی یان ترسا مرنێ دا، لەورا پێدڤیە تۆرێن جڤاكی ب دروستی بكاربینن، نەكو ببیتە ئامرازەك بۆ تێكشكاندنا دەروونی و وێرانكرنا خێزانان دا، ل ڤیرە رۆلێ دایك و بابان گەلەكێ فەرە كو پێدڤیە ب هشیاری چاڤدێریا زارۆكێن خۆ بكەن ل دەمێ بكارئینانا تۆرێن جڤاكی دا و بۆ مفای بكاربینن و هیڤیا من ئەوە ئەڤ كەڤالە ببیتە پەیامەكا هشیاریێ و رێگریێ ل نەهێلانا وان كارەساتان بكەت.
