گەنج دەستكاریێ دسترانان دا دكەن
هەرهین محەمەد
هاشم بوسەلی، دەنگبێژێ كوچكو دیوانان، د دیدارەگێ دا بۆ رۆژنامەیا ئەڤرۆ گۆت: گەلەك سترانێن كوچكو دیوانان ژ شەڕان هاتینە گۆتن و د سەرهندێ را ژی دەنگبێژان ستران ب وان گۆتینە لێ ئەو ستران ڤێ گاڤێ هاتینە راوەستاندن و دەنگبێژ نابێژن و ب راستی مە نەڤێت جارەكادی ئەوان برینێن كەڤن ساخ بكەین و هندەك دیوان هەنە ئاغا عەشیرو كەسانێن مەزن تێدا هەنە مرۆڤ نەچارە سترانێن ب عەشیرەت و شەڕان و پەیزوكان و لاوكان بێژی و دیسان دیوان هەیە رەشبەلەكیە و ژن و زەلام تێدانە و ل وی دەمی مرۆڤ نەچارە سترانێن ئەڤینداری وەكو حەیرانوك ولاوك بێژیت.
بوسەلی گۆت: ژنێ رۆلەكێ مەزن هەیە دسترانگۆتنی دا ب تایبەتی د سترانێن پێ گۆتنێ و داخازێ ژ سترانبێژێن گەنج دكەم ئەوێن ژنوو ددەستپێكری دەستكاریێ د سترانێن فولكلۆری دا نەكەن وەكو پەیڤ و ئاواز و سەلیقە، ئانكو سترانا هەردەڤەرەكی وەكو خوە بهێتە گۆتن، چونكو هەردەڤەرەكێ تایبەتمەندیا خوە هەیە ب گۆتنا سترانان و ئەو كەسێن بەری مە ستران چێكرین ماموستان هوستایێن ستران چێكرنێ و گۆتنێ بوون.
