نابیت فیفا ژ سنۆرێن خوە دەرباز بیت
فدراسیۆنا فوتبۆلا ئۆرۆپا UEFA نامەیەكا توند بەرانبەر بزاڤێن سەرۆكێ فدراسیۆنا نێڤدەولەتی فیفایێ یێ ئیتالی جیانۆ ئیفانیتیۆیی هنارتییە تێدا دیاركرییە نابیت فیفا ژ سنۆرێن خوە دەرباز بیت و دەرگەهی بۆ وەبەرهێنەران ڤەكەت دناڤا فدراسیۆنێ دا كاربكەن.
دنامەیێ دا هاتیە: ئەو پێشنییارا هاتیە دانان كو فیفا دێ دەلیڤێ دەتە چەند وەبەرهێنەران كارێ ڕێكخستنا قارەمانیێن فیفایێ بكەن و دانانا ژڤان و ڤەگوهاستنا یارییان دگەل چەند ڕێنمایێن دی كو د بەرانبەر دا فیفا دێ پشكەكا سەهمێ داهاتی بۆ وان وەبەرهێنەران بیت، ئەڤە ژی دوورە ژ پەرانسیپێن فیفایێ، د جیهانێ دا پرانییا فدراسیۆنێن وەلاتان د ڕازی نینن، ژبەركو كۆمەلگەها فوتبۆلا جیهانی گیانەكێ ئێگكرتییە، نەك سەهمێن كۆمپانییەكێ یە دێ بازاری پێ كەن، دگەل دا مە باوەری ب هیچ كارەكێ هوسا نینە و مافێ فیفایێ نینە ڤێ چەندێ بكەت.
