عیماد یونس: ب ئالایێ کوردستانێ دێ پشکداریێ د قارەمانی یا نێڤدەولەتی دا کەم
د داخویانەکێ دا عیماد یونس یارێزانێ یاریا تایکواندۆیێ بۆ رۆژنامەیا ئەڤرۆ دیارکر پشکدارییا ئەڤجارە د قارەمانییا نێڤدەلەتی دا دێ ب ئالایێ کوردستانێ بیت ئەوا یڕیارە حەفتییا بهێت هەڤڕکیێن وێ ل باژێرێ سییۆل یا وەلاتێ کوریا باشوور باژێری سیئۆل هێتە کرن.
زێدەتر ناڤهاتی گۆت: بۆ ڤێ پشکداریێ د ێ هەموو بزاڤأن کەم ب گەهمە ئەوێ ئارمانجا من دڤێت ئەوا ب بلندکرنا ئالایێ کوردستانێ دەستکەڤتەکی بینم، خوە هەکە دەستڤە نەئینم گرنگ بلندکرنا ئالایێ کوردستانێ یە وەکو جارێن بۆری، ژبەرکو ئەڤە ماوەیێ چار سالانە پشکداریێ دکەم، هەروەسان ئەڤێ قارەمانیێ گرنگییەکا تایبەت هەیە و جودایە ژ یێن بۆری، ژبەرکو بفەرمی ڕێ ب مە هاتیە دان وەکو شاندێ هەلبژارتیێ کوردستانی ب و ب ئالایێ پیرۆز بچمە دناڤ هەڤڕکیان دا، جهێ دلخوەشیا منە نوونەراتیا کوردستانێ بکەم تایبەت پشتی د قارەمانیێن بۆری دا چەندین سال بوو مە بناڤێ ئیراقێ پشکداری کریە، ئاهەنگا ڤەکرنا قارەمانیێ دێ ب جلوبەرگیێن کوردی دیاربین وەکۆ هەموو وەلاتیێن پشکدار کەلتوریێ خوە نیشاندەین.
هەروەسا ناڤهاتی گۆت ژی: ل وەرزێ بۆری ژی مە پشکداری کربوو و شیابووین پلا سێیێ ب دەستڤە بینین، بۆ وەرزێ ئەڤ سالە مە ب باشی خوە بەرهەڤکریە ب هیڤییا وێ چەندێ بشیێن رێزبەندیا ئێکی بهێین، سەرباری دێ هەڤرکییەکا ب هێز هەبیت لێ مە باوەریەکا باش ب شیانیێن خوە هەیە، ئەم هەشت یاریزان دێ پشکداربین دو یاریزان ژ پارێزگەها دهۆکێ نە و شەش یاریزان ژ هەولێرا پایتەختن، ئەم هەمووی دێ ب ئالا و ناڤێ کوردستانا پیرۆز پشکداربین، ب ئۆمێدین ب میدالیێن زێری ئالایێ کوردستانێ ژی بلند بکەین.
