ديزاينا پڕفرۆشترين ترومبێلا جيهانی دێ هێته نووكرن
کۆمپانیای Toyotaی ژاپۆنی بۆ جارا ئێكێ هێلکاری و شێوەیێ نفشێ نوو ێی ترۆمبێلا ئەفسانەیی و پڕفرۆشەکا خۆ Corollaی ئاشکرا کرد.
سيبەرا ترومبێلێ د بەلگەفیلمەکێ فەرمی یێ کۆمپانیایێ دا دیار بوو، لێ بۆ پاراستنا نهێنیێ و پەیداکرنا حەز و هیڤیان، لەشێ ترومبێلێ د ڤیدیۆیێ دا ب مەرەم یا ڤهشارتى بوو. ژ هێلکاری و شێوێ لەشێ وێ دیارە کو ترومبێلا بەرهەمکری هەمان هێل و ئایرۆدینامیکا مۆدێلا کۆنسێپتا کۆرۆلا ڤهدگريت، ئەوا سالا بووری هاتیە بەلاڤکرن.
ل دووڤ وێ چەندا دیار بووی، لەشێ کۆرۆلا یا نوو نزمتر، درێژتر و ئایرۆدینامیکیتر دهێت، کو دێ هاریكار بیت بۆ کێمکرنا بەرگریا هەوایێ و باشترکرنا مەودایێ بڕینێ د وەشانێن هایبرید و کارەبایی دا.
ل ئیراق و هەرێما کوردستانێ، Toyota Corolla پڕفرۆشترین ترومبێلا رۆژانەیە ژبەر خۆڕاگری، کێم تێکچوون و پاراستنا بهایێ وێ پشتی فرۆشتنێ.
نیشاندانا نفشێ نوو ب دیزاینەکا گەلەک کەشخە و مۆدێرن، زێدەبوونا رووبەرێ ناڤا کابینێ، نووکرنا تەکنەلۆژیایا بارگاویکرنێ و ب هێزکرنا بزوێنەرێ وێ یێ هایبرید، جارەکا دی ڤێ ترومبێلێ د لوتکەیا خواست و فرۆشتنێ دا دهێلیت.
