ل كوردستان تیڤی ئەز فێری ژیانێ بووم
بێوارحەمدی
كاروان سەدیق، بێژەر و نڤیسەر ل كەنالێ كوردستان تیڤی، د دیدارەكێ دا بۆ رۆژنامەیا ئەڤرۆ گۆت: ئەڤە (18) سالن ئەز ل كوردستان تیڤی كاردكەم و ئەڤ كەنالە مالا من یا دویێ یە، ژبەر لڤی كەنالی فێری ژیانێ بوویمە، هەروەسا شیایمە ببمە مەدیاكارەكێ سەركەفتی و ب كارێ خۆ یێ دلخۆش و سەرفەرازم.
هەروەسا گۆت: ب شێوەیەكێ گشتی بێژەرێ سەركەفتی ئەوە كو بشێت باوەریا بینەران ب دەستڤە بینیت و نووچەی ب شێوەیەكێ راست و بێ لایەن بگەهینیت و دهەموو كاودانان دا ب پیشەی كاربكەت، لێ ژبەركو نوكە هەر كەسەكی مۆبایلەك د دەستان دایە و دشێت ل هەر جهەكی ب ساناهی ناڤەڕۆكا هەموو بابەتان بزانیت، لێ تەلەفزیۆنێ هندەك جاران دەمەكێ دیاركری هەیە، لێ هەر چاوا بیت سۆسیال و تەلەفزیۆن پێكڤە دگرێداینە و دڤێت كەنالێن راگەهاندنێ ب دروستی كاری ل سەر هەردویان بكەن داكو بینەران ژ دەست نەدەن و بۆ پاشەرۆژێ ژی جهێ خۆ یێ كاری ب گوهۆڕم، ژبەركو ل ڤێرە یێ ئارامم.
