45 وهرزشڤانێن كچ و كوڕ د خولهكا راهێنانێ یا ئاسیایی دا
تاهر رێكانی
فدراسیۆنا فوتبۆلا پارێزگەهێ ب هەڤکاری ل گەل فدراسیۆنا هەمان یاری یا ئیراقێ خولەکا ڕاهێنانێ یا باوەرنامەیا سی ل سەر ئاستێ ئاسیا ب پشکدارییا ٤٥ ڕاهێنەرێن کچ و کوڕ ل باژێرێ دهۆکێ ڕێکخستییە ئەوا دێ هەتا دووماهییا ڤێ حەفتیێ بەردەوام بیت.
لدۆر ڤێ خولێ نههلا ئهحمەد سهرپهرشتا خولێ و ئەنداما فدراسیۆنا فوتبۆلا پارێزگەهێ بۆ ئهڤرۆ دیاركر ل دووڤ بەرنامەیێ فدراسیۆنێ و ب چاڤدێرییا د. ئەحمەد قاسم سەرۆکێ فدراسیۆنێ خولا ڕاهێنانێ هاتییە ڤەکرن کو تێدا ٤٥ ڕاهێنەرێن نوو یێن پارێزگەها دهۆکێ ب قەزا و ناحییێن سەر پارێزگەهێ و ئیدارا سەربەخۆیا زاخۆ پشکدارن، خول دێ بۆ ماوەیێ شەش رۆژان بەردەوام بیت ئەوا دێ ژلایێ وانەبێژێ نێڤدەولەتی خسرۆ گۆران بیت کو ب شێوەیێ تیۆری و پراکتیکی دهێنە شرۆڤەکرن.
ژلایەکێ دووڤە ناڤهاتی گۆت: سەرجەمێ ڕاهێنەرێن پشکدار ب تنێ دو ژ وانا کچن ئەگەرێ سەرەکی یێ خولێ مهرهما باشتر و گەشەکرنا كهرتێ وهرزشێ و بتایبهت فوتبۆلێ ل پارێزگهها دهۆكێ، پشتی ب دووماهی هاتنا خولێ دێ باوهرنامه لسهر دهرچۆیان هێنه بهلاڤكرن و بنه خۆدان باوهرنامهیێن Cیا نێڤدهولهتی و دهلیڤه پێ هێتهدان كو راهێنهراتییا تیم و یانهیان بكهن، ئەوا نوکە ل هۆلا بنگههێ وەرزش و لاوان و دیسان یێن پراكتیكی ل یاریگهها چالاكیێن وهرزشی دهێنه گۆتن و برێڤهبرن.
بۆ زانین فدراسیۆنا فوتبۆلا پارێزگەهێ ل سالێن بۆری ل سەر ئاستێن بلندتر یێن باوەرنامەیا بی و باوەرنامەیا ئەی ژی ل پارێزگەهێ ڤەکرینە و د نوکە دا کۆمەکا باش یا ڕاهێنەرێن خودان باوەرنامە ل پارێزگەها دهۆکێ هەنە.
