کارین کەمال: قوتابخانە دێ بنە مەلبەندێ پێگەهاندنا یاریزانێن ئاست بلند
هەرهین محەمەد:
د داخۆیانیەکێ دا کارین کەمال جەلالەدین، یاریزانا نێڤدەولی یا یارییا شەترەنجێ و کچا باژیرێ دهۆکێ، ل دۆر گرنگی و پووتەدانا یاریا شەترەنجێ د ناڤەندێن پەروەردەیی دا بۆ ڕۆژنامەیا ئەڤرۆ گۆت: ئهو حەز و ئارەزویا بەرێ هەی پتر ل سەر ئاستێ خێزانان بوو، ئامارێن پشکداریکرنا زارۆکان کێمبوون، لێ پشتی ئەڤان پێنگاڤێن نوو، دێ جوداهیەکا مەزن د گەشەپێدانا بەهرەمەندان دا چێبیت و دێ هێنە گەشەپێدان ب شێوازەکێ ئەکادیمی.
کارینێ گوتژی: ژمفایێن یاریا شەترەنجێ ئەوە ئاڤاکرنا کەسایەتییەکا ئارام و بێهنڤرەهـ، چونکو شەترەنج بتنێ یارییەک نینە، بەلکۆ ئامرازەکێ پەروەردەیی یە و ئێکە ژ یاریێن هزری وەل مرۆڤی دکەت بێنەڤرەهـ و ل سەرخۆ بیت، ب تایبەتی د دەمێ چارەسەرکرنا ئاریشە و ئاستەنگان دا هەروەسا شەترەنج هاریکارەکا راستەوخۆیا قوتابیانییە د وانێن وان دا، ب تایبەتی د بابەتێ بیرکاریێ دا، چونکی هزرکرن د شەترەنجێ دا مێشکی بەرفرەهـ دکەت، هزرینێ تیژ دکەت، و شیانا بیرهاتنێ ب هێز دکەت دا کەس تشتا زوو ژ بیر نەکەت.
هەروەسان ناڤهاتی گۆت: یا ب زەحمەت نینە و قوتابخانە و مامۆستا دشێن ب ڕاهێنانێن دەستپێکی ب ساناهی فێری زارۆکان ببن وڕێکەکا درێژترە و پێدڤی ب وەبەرهێنانا دەمی هەیە؛ بەرهەڤکرنا یاریزانەکێ ئاست بلند ڕۆژانە پێدڤی ب نێزیکی شەش دەمژمێرێن ڕاهێنانێن بەردەوام هەیە و ئەڤ پێنگاڤە دێ دەرفەتەکا زێڕین دەتە کچان دا کو بەهرەیێن خۆ د دەربرینێ و گەشەپێدانێ دا دیار بکەن، و حەزا وان بۆ ڤێ یاریێ زێدەتر بێت و ب ساناهی بەرەڤ پێش بچن و ل دووماهیێ من دڤێت بێژم شەترەنجێ د ناڤ قوتابخانان دا، بتنێ دروستکرنا یاریزانان نینە، بەلکۆ وەبەرهێنانە د ئاڤاکرنا نەوەیەکێ هۆشمەند، ئارام، و سەرکەفتی د ناڤ جڤاکی دا.
