ژ گۆتنا سترانەكا خۆ یێ پەشیمانە
هەرهین محەمەد
سترانبێژێ گەنج (كاوە حەداد) د دیدارەكێ دا بۆ رۆژنامەیا ئەڤرۆ گۆت: پێدڤیە سترانبێژ هەلبەستێ ل دووڤ دلێ خوە هەلبژێریت نە هەر هەلبەستڤانەكێ هەبیت بێژیتە من كەرەمكە دێ هەلبەستا وی بێژم و ب راستی ژی هندەك هەلبەست ناچنە دلێ مرۆڤی دا، ڤێجا ئەها وەسا هەلبەستا دهەلبژێرم و هەموو گاڤان ژی ئەز بوچوونا هونەرمەند و دەرهێنەر هەژار دهۆكی وەردگرم ل سەر هەركارەكێ خوە یێ هونەری.
هەروەسا گۆت: هەموو هونەرمەندێن بەرێ قوتابخانەنە، بەلێ (ئەیاز یوسف) ل نك من گەلەك بوو وەكو دەنگێ وی نین و هونەرمەندێ گەلەك حەزژدكەم و گوهداریا وی دكەم محەمەد شێخۆ یە و گەلەك هەڤال دبێژنە من بۆچی تو سترانێن ئەیازی نابێژی و ئەز دشێم شەڤەكێ هەموویێ سترانا ل ئاهەنگەكێ بێژم، بەلێ دەمێ دچمە ستودیویێ ڤە ژ بۆ توماركرنا دەنگی بۆ سترانێ گەلەك نەیێ ئارامم و كەسێن بۆ جارا ئێكێ پشتەڤانی ل من كری هەڤالێن من یێن ئامادەیا برایەتی بوون و دەمێ دچوومە دەواتان هونەرمەندێ وەغەركری (عەبدولواحد زاخۆیی) گەلەك پشتەڤانی ل من دكركو یێ بەردەوام بم ل سەر ستران گۆتنێ و ئێكەم سترانا من توماركری ل دهۆكێ ب ناڤێ(كەتم بەلا دوو ژنان) ل نك سانحاریبی و كاك نعمەتی بوو ب هاریكاریا كاوە عەبدوللا و ل وی دەمی گەلەك ل رادیۆیا ئازادی دهاتە پەخشكرن و ل هەموو تومارگەهان ژی هاتبوو بەلاڤكرن و پشتی هاتمە دەرڤەی وەلاتی هەڤالەكێ سترانبێژ ئەو سترانە كلیپكر و ئەو سترانە ژ پەیڤێن من بوون، بەلێ هەكە نوكە گوهداریا وێ سترانێ بكەم یێ پەشێمانم، چونكو من خاڤ گۆتیە دڤێت من ب دەنگەكێ بلندتر گۆتبا و نوكە مژوولی دوو كارێن مەشەپم ب هاریكاریا هەژاردهۆكی و ل بەرە ل نێزیك بهێنە بەلاڤكرن.
