سترانەك ب باژێڕێ خۆ گۆتیە
رەمەزان زەكەریا
سترانبێژ (دەشتی كەلهۆری) د دیدارەكێ دا بۆ رۆژنامەیا ئەڤرۆ گۆت: خانەقین كو هەردەم ل دلێ خەلكێ خۆ دا جهەكێ تایبەت هەیە، بەردەوام هەژی ڤێ چەندێ یە ب ڕێكا هونەر و مۆزیكێ ناسنامە و ناڤێ وێ بۆ جیهانێ بهێتە ناسانین.
ناڤبری گۆت: دانانا ئاواز و مۆزیك و سەرپەرشتیا هونەری یا پرۆژەی ژلایێ من ڤە هاتیە ئەنجامدان، هەروەسا هەلبەست ب هاریكاریا مامۆستا كەنعان حوسێن هاتیە نڤیسین، ئەڤ سروودە نە بتنێ سترانە، بەلكو دەنگێ دلێ خانەقینێ یە دەنگەك كو بەحس ل جوانییا سروشتی و مێژوویا پڕ شانازی، زاراڤێ شیرین، میراتێ فەرهەنگی و ڕۆلێ ڤی باژێری د ژیانا نیشتمانی دا دكەت ئارمانج ژی ئەوە ئەڤ بەرهەمە ببیتە ئەگەرێ شانازیا هەموو ئەوێن دلێ وان بۆ خانەقین لێددەت و ل سەر زمانێ مەزن و بچووكان و ئەڤ بیرۆكەیە ب داخوازییا هژمارەكا ل ڕۆشنبیر، هونەرمەند و دلسۆزێن خانەقین دەست پێكرییە، كو باژێرەك ب ڤێ هەموو مێژوو و میراتی، هەژی ڤێ چەندێ یە سروودەكا تایبەت هەبیت كو بشێت ناسنامەیا هونەری یا باژێری پتر بهێتە ناسین.
