عۆد وەكو هەڤالەكی یە ل گەل من
هیڤی كەریم
سترانبێژ (رزگار سلێڤانەیی) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ گۆتنا سترانان بۆ بەری چەندین سالان دزڤڕیت، لێ پشتی دەلیڤە هاتی ل سالا (2004) من سترانا خۆ یا ئێكێ ب ناڤێ (دلبەر) تۆماركر و هەتا نوكە یێ بەردەوامم و نێزیكی(50) سترانان من هەنە و دلخۆشم ب كارێ خۆ و هیڤیا من ئەوە ب رێكا سترانگۆتنێ بشێم خزمەتا هونەرێ كوردی بكەم.
هەروەسا گۆت: من هندەك ستران وەك دەنگ بتنێ ژی هەنە، كو ل سالێن (2012،2025،2026) هاتینە تۆماركرن كو ئەو ژی ب شێوازێ زاخۆیی و كلاسیكن، ژ پەیڤێن من و هندەك هوزانڤانێن دەڤەرێ نە، ژوانا (حەسەن فەقی، ئیبراهیم قۆچانی، ئەحمەد عیسا، عەبدوللا سێلكی) كو ل ستودیۆیا (زەمان مۆزیك) هاتینە تۆماركرن و هەردەم ئەز دبێژم دەنگێ سترانێن هەردو هونەرمەندێن نەمر (ئەردەوان زاخۆیی و ئەیاز یوسف) بۆ من قوتابخانە نە، لەورا ئەز بزاڤێ دكەم تاما سترانێن وان د ئاوازێن خۆ دا ب پارێزم، بۆ زانین ئەز ئامیرەیێ عۆدێ دژەنم و هەردەم وەكو هەڤالەكی بە ل گەل من، هەروەسا من پەرتووكەكا هەلبەستان بۆ چاپێ بەرهەڤكریە و هەر دەمێ دەلیڤە هەبوو دێ چاپكەم.
