ئەڤرۆ د خولا كوردستانێ دا دێرینێن دهۆكێ مێڤانێن سۆرانە
چاڤەڕێ دهێتە كرن ئەڤرۆ دەست ب هەڤڕكیێن وەرزێ نوو یا خولا كوردستانێ بۆ یارییا فوتبۆلا دێرینان ل سەر ئاستێ هەلبژارتیێن پارێزگەهان و ئیدارەیێن سەربەخۆیان، ئەوا نەهـ تیم پشكدارن و یاریێن وێ ب شێوەیێ خول ئێك قووناغ دێ هێتە كرن و هەموو یاری دێ ل دەمژمێر پێنجێ ئێڤاری هێنە ئەنجامدان.
ژ یاریێن ئەڤرۆ یێن گەڕا ئێكێ
هەلبژارتیێ سۆران- هەلبژارتیێ دهۆك.
هەلبژارتیێ هەولێر- هەلبژارتیێ هەلەبچە.
هەلبژارتیێ سلێمانی- هەلبژارتیێ كەركووك.
هەلبژارتیێ گەرمیان- هەلبژارتیێ ڕأپەرین.
بۆ زانین د ڤێ گەڕێ دا هەلبژارتیێ زاخۆ دێ یا چاڤەڕێ كری بیت.
لدۆر بەرهەڤیێن دێرینێن هەلبژارتیێ دهۆكێ محەمەد یووسف ڕاهێنەرێ تیمێ بۆ ئەڤرۆ گۆت: پشتی بەرهەڤیێن مە یێن بۆ ماوەیێ مەهەكێ ئە ئەڤرۆ دێ كەڤینە د ئێكەم تاقیكرنا خوە یا خولێ دا و هەموو هیڤی و ئۆمێدن مە ئەون ئەم ئێكەم سێ خال ب دەستڤە بینن، لێ د یارییا ئێكێ دا هەردەم پێشبینییا ئەنجامی یا بزەحمەتە.
هەروەسان ناڤهاتی گۆت: دبیت ئاریشەیا مە یا مەزن ئەوبوویە نەبوونا یاریگەهەكا تایبەت ب یاریزانێن دێرین ڤە لێ دگەل سۆپاسیێ بۆ یانەیا دهۆك هەردەم هەڤكار بووینە، هەموو یاریزانێن مە دێرینن سرۆشتییە وەكو جاران نەشێن ئاست و شیانێن خوە نیشان بدەن، لێ ئەوا هەیی دێ دناڤ یاریگەهێ دا نیشان دەن، بۆ مە گرنگ ئەوە مفایی ژێ وەربگرین و كەیفخوەشیەك هەبیت لێ ئەم دێ پشكداریێ كەین بۆ سەركەڤتنان، سۆپاسییا فدراسیۆنا فوتبۆلا كوردستانێ ژی دكەین كو ئەڤ خولە بۆ مە ڤەكری.
