د پلانا وی دا نە بوو ڤێ سترانێ دوبارە بكەت
رەمەزان زەكەریا
سترانبێژ (كاروان نووری) د دیدارەكێ دا بۆ رۆژنامەیا ئەڤرۆ گۆت: من نووترین سترانا خۆ یا دو قۆلی ب ناڤێ خۆ روبار نیت دگەل ڕێنۆس نەریمان، ب شێوازێ ڤیدیۆ كلیپ بەلاڤكر، ئەڤ سترانە د پلانا من دا نەبوو نوو بكەمەڤە، بەلێ ب داخوازییا گەنجێ دەنگخۆش، ڕێنۆس نەریمان، رازی بووم پێكڤە دوقۆلی ئەنجام بدەین، چونكو دەنگ و شیان و حەزا وی بۆ هونەری جهێ هیڤیا من بوو، هەروەسا نوكە مژوولی دو پرۆژەیێن نوو كو گەلەك گرنگن بۆ من و ب هویری كار ل سەر دكەم، هەردو ل دەمەكێ نێزیك دا تەمام دبن و ب شێوازەكێ باش پێشكێشی خۆشتڤیێن دەنگێ خۆ كەم.
هەروەسا گۆت: ئەم وەكو سترانبێژ بەردەوام دێ ل سترانێن باش و نوو گەڕین، چنكو ئەڤە ئەركێ مە یە و دڤێت وی جەماوەری رازی بكەین یێن كو گوهداریا سترانێن مە بكەن و هیڤیا من ئەوە ل دووف شیانێن خۆ بشێین خزمەتا ستران و مۆزیكا كوردی بكەین.
