كولیلكێ كلیپەكا نوو بەلاڤكر
زنار تۆڤی
سترانبێژ (چیچەك تەكدەمیر) كو ب كولیلكا حەسكیفێ دهێتە نیاسین، د دیدارەكێ دا بۆ رۆژناما ئەڤرۆ گۆت: من سترانا خۆ یا ب ناڤێ ( بووكا مە) ل باژێرێ باتمانێ ل باكورێ كوردستانێ كلیپ كریە، ئەڤە دەمەكێ درێژبوو، من ل سەر ڤێ سترانێ كاردكر، هەروەسا من ئەو سترانە ل ستۆدیویا سیابەند ئاسلان ل باتمانێ تۆماركریە، یاسر عەلی ب كارێ دەرهێنانا ڤێ كلیپێ رابوویە، من ئەڤ سترانە ب بووك و زاڤایان چێكریە.
ناڤهاتیێ گۆت: ب رەنگەكێ كوردەواری یێ جوان من ئەڤ كلیپە چێكریە، كو دەربڕینێ ژ كلتوورێ كوردان دكەت، د دەمێ ڤەگوهاستنا بووكێ دا، هەر چەندە من دڤیا ڤێ كلیپێ ب رەنگەكێ باشتر چێكەم، بەلێ مخابن ئەو شیان و دەلیڤە من نەبوون ب وی رەنگێ من دڤیا چێكەم، لەوما من ب ڤی رەنگێ نوكە چێكر، هەروەسا ئەڤە كلیپا پێنجێ یە ئەز چێدكەم، ئەز گەلەك یا كەیفخۆشم، كو خزمەتا هونەر و كلتوورێ كوردی دكەم و ل گەل كارێ سترانگۆتنێ ئەز كارێن شانۆیێ ژی دكەم، هەروەسا من كارێ پێشكێشكاریێ ژی ل تەلەڤزیۆنان كریە، ئەڤە پتری (22) سالانە ئەز د بۆارێ هونەری دا كاردكەم و من بزاڤكرینە كو ئەلبۆمەكا سترانان ژی چێكەم، بەلێ هەتا نوكە ئەو دەلیڤە بۆ من چێ نەبوویە، كو ئەلبۆما خۆ یا نەخری تۆماربكەم.
