یانەیا ئامەد سەرێ لیستا خولا سۆپەر لیگایێ پاراست
تیما یانەیا ئامەد سپۆرت یا كوردستانا باكۆرێ سەرێ لیستا خولا سۆپەر لیگا یا توركیایێ پاراست پشتی شیایی سەركەڤتنەكا دیرۆكی ل سەر یانەیا پەشكتاش ب سێ گۆلان بەرانبەر دو گۆلان تۆماربكەت د چارچووڤەیێ یاریێن گەڕا شەشێ یا خولێ دا ئەوا ل یاریگەها ئامەد هاتیە كرن.
گۆلێن یانەیا ئامەد ژلایێ یاریزانێن وێ گیفیت ئۆریان، زییا سبع و فۆركان سویالب، ل خولەكا 84ێ دادڤانێ یاریێ یاریزانێ ئامەد ئەمادۆ سیسێ ب كارتا سور دوورئێخست، بڤی ئەنجامێ یانەیا كوردستانی سەرێ لیستا خولێ پاراست ب كۆمكرنا 13 خالان پێشكەڤتییە ژ یانەیێن گالاتا سارایی پترییا گۆلان و بەشكتاش ئێك خال، یارییا بهێت دێ ل 10ێ چریا ئێكێ یا بهێت بەرانبەر یانەیا گێتچلەر بیرلیگی.
سەرۆكێ یانەیێ توورەیە
ناهیت ئیرین سەرۆكێ یانەیا ئامەد سپۆر تووەربوونا خوە دیاركرییە و گۆت: دەستپێكێ پیرۆزباهییا جەماوەر و یاریزانێن خوە دكەین ب سەركەڤتنەكا دیرۆكی بەرانبەر یانەیەكا مەزن وەكو بەشكتاشێ، لێ یا ڕەوانینە دادڤان كۆمەكا شاشییان بەرانبەر یانەیا مە بكەت هەروەسان 14 خولەكا دەمێ زێدەكری یێ یاریێ بدانیت ئەو بخوە نەگەهشتبوو شەش خولەكان، ئەڤە زۆلەكا پێشچاڤ بوو و قەبوول ناكەین.
