ڤۆلكسوایگنێ پرۆژەیێ خوە یێ کارەبایی ڕاگرت
بگورەی ڕاپۆرتەکا ڕۆژنامەیا Handelsblatt یا ئەلمانی گیرۆكرنا بەرهەمهێنانا ئێکەم ترۆمبێلا کو بڕیار بوو ل سەر ڤێ پلاتفۆڕمێ بێته دروستکرن مۆدێلا Audi A4 e-tronە، بەلێ دیارکرنا دەمێ ئاشکراکرنا وێ هاتە پاشخستن بۆ نیڤا ئێکێ یا سالا ٢٠٢٩ێ، سەرەڕای هندێ کو پلانا سەرەکی بۆ سالا ٢٠٢٨ێ هاتبوو دانان.
گرێیا كووره یا پڕۆژەیی دگەل Rivian: ئاریشەیا سەرەکی د پێشئێخستنا ئەندازیاریا ئەلیکترۆنی یا پلاتفۆڕمێ دا یە کو ب ههڤپشكی دگەل کۆمپانیا ئەمریکی یا ڕیڤیان (Rivian) کاری ل سەر دکەت؛ جوداهیا شێوازێ کارکرنێ، جوداهیا دەمی د ناڤبەرا ئەمریکا و ئەلمانیا دا، و نهچاربوونا گونجاندنا ئێک پلاتفۆڕم دگەل ب دههان داخوازییێن جودا یێن براندێن گرۆپی (وەکی Audi، Porsche، VW) پرۆسە تهمام خاڤکرییە.
کێمکرنا ڤێرژنان: بۆ کێمکرنا ئالۆزییان، ل شوونا ٨ ڤێرژنێن دهستپێكی، پلاتفۆڕم ب تەنێ بۆ ٤ ڤێرژنان هاتە کێمکرن.
تایبەتمەندیێن تەکنیکی: پلاتفۆڕما SSP پپشتیەڤانیا سیستەمێ کارەبایی یێ لهز ٤٠٠ و ٨٠٠ ڤۆلت دکەت، هەروەسا شیانا دانانا مەکینا بەنزینێ هەیە وەکی جێنەرەیتەر (Range Extender) بۆ زێدەکرنا مەودایێ ڕێڤەچوونێ ل دەمێ بڕینا پاتریێ.
پۆستەکێ نوو بۆ ڕزگارکرنا پڕۆژەیی: ڤۆلكسوایگن پۆستەکێ نوو ب ناڤێ “بەڕێوەبەرێ بالایێ تەکنیکی یێ گرووپی” دادەمەزرینیت بۆ سەرپەرشتییا ڕاستەوخۆ، و سەرۆکێ کۆمپانیا ئاودی (گێرنۆت دۆلنەر – Gernot Döllner) بەهێزترین بەربژێرە بۆ وەرگرتنا ڤی پۆستی.
