سێ هژمارێن واتسئاپی ل سهر ئێك ئهكاونت ڤهكه
دبیت هەبوونا چەندین هژمارێن تەلەفۆنان ل سەر ئێک ئامێرێ ئایفۆن ببیتە ئاستەنگ دەمێ ئەپلیکەشینا وەتسئاپ دگەهیتە ئەوا هژمارا تهمام یا ئەکاونتێن رێپێدای. نوکە ئەپلیکەشن رێ ددەتە بکارئینەران دو پرۆفایلان ل سەر هەمان ئامێر بڕێڤەببەن، بەلێ نوکە کار ل سەر نووکرنەکێ دهێتە کرن کو دێ شێن ئەکاونتەکێ سێیێ ژی زێدە کەن بێی کو پێدڤی بکەت ژ ئەکاونتێن دی دەرکەڤن.
ئەڤ تایبەتمەندییە هێشتا بۆ هەموو بکارئینەران نەهاتییە بەلاڤکرن، سەرەڕای کو بەری نوکە د ڤێرژنا ئەزموونی (Beta) یا ئەپلیکەشینا وەتسئاپ یا تایبەت ب ئایفۆنێ دیار بوویە. د حالەتێ پەسەندکرنا وێ د ڤێرژنا دووماهییێ یا جێگیر دا، دێ رێ دەتە بکارئینەران هەتا سێ هژمارێن جودا د ناڤ هەمان ئەپلیکەشن دا گرێبدەن و ب ساناهی ل سەر بەپەرا ڕێکخستنان د ناڤبەرا وان دا بچن و بهێن.
سیستەم ب شێوەیەکی هاتییە دیزاینکرن کو سەربەخۆیا هەر ئەکاونتەکی بپارێزیت؛ دەمێ تو بچییە پشکا ئەکاونتێن گرێدای ب ئامێری ڤە، تو دشێی ژمارەکا دی زێدە بکەی و وەکی پرۆفایلەکێ زێدە بکاربینی، هەروەسا دێ شیانا دەربازبوونێ ژ ئەکاونتەکی بۆ ئێکێ دی ژی هەبیت ب بکارئینانا وێ هەلبژارتنا بۆ ڤێ مەبەستێ د ناڤ ئەپلیکەشنێ دا هاتییە تەرخانکرن.
ئەپلیکەشن دێ هەر پرۆفایلەکی ب ڕێیا ناڤ، وێنە، و ژمارا تەلەفۆنێ دیار کەت، هەروەسا نیشاندەرەکی دیار کەت دا کو دیار بکەت کا کیژ ئەکاونت نوکە کار دکەت؛ کو ئەڤە رێ ددەتە تە د ناڤبەرا ئەکاونتان دا بچی و بهێی بێی کو پێدڤی بکەت تو دەرکەڤی یان ئەپلیکەشنەکا دی بکاربینی.
هەروەسا وەتسئاپ پیلانێ دانانیت کو هەر سێ ئەکاونتان د ئێک سندوقا هاتنا نامەیان دا بگەهینیتە ئێک؛ چونکی هەر پرۆفایلەک دێ چات، تۆمار، ئاگەهداریکرن، کۆپیا یەدەگ، پەڕگەیێن میدیایی، ڕێکخستن و هەلبژارتنێن تایبەتمەندیا خۆ پارێزیت.
هەتا تایبەتمەندیا قفلكرنا ئەپلیکەشنێ ژی دشێت ب شێوەیەکێ سەربەخۆ بۆ هەر ئەکاونتەکی کار بکەت، هەروەسا ئاگەهداریکرن دێ دیار کەن کا هەر نامەیەک بۆ کیژ پرۆفایلی چوویە.
ل دەمێن بوری، دەربازکرنا سنۆرێ دو ئەکاونتان پێدڤی ب بکارئینانا تەلەفۆنەکا دویێ دکر یان ژی ئینانا ڕێکارێن وەک «واتسئاپ بازرگانی» (WhatsApp Business)، بەلێ ئەڤ تایبەتمەندیا نوو دێ وێ پێدڤییێ بۆ بکارئینەرێن کو پێدڤی ب بڕێڤەبرنا سێ هژماران هەی لاپەت.
ل ڤی دەمی، تایبەتمەندی هێشتا د قووناغا گەشەپێدانێ دا یە، چو پشتڕاستکرنەک نینە کا کهنگێ دێ گەهیتە دەستێ هەموو بکارئینەران.
