ستران خۆشیەكا تایبەت بۆ من چێدكەت
هەرهین محەمەد
سترانبێژ (كاوە زاخۆیی) د دیدارەكێ دا بۆ رۆژنامەیا ئەڤرۆ دیاركر كو نوكە ئەو مژوولی تۆماركرنا سێ تراكێن سترانایە ب ناڤێ (دایێ پشتی تە، بێزارم، باوەریا خۆ ب من بینە) هەر سێ ستران ژپەیڤ و ئاوازێن وی ب خوە نە و نوكە دقوناغا تۆماركرنێ دانە ل ستودیۆیا تون میۆزیك دهێنە تۆماركرن و ل بەرە ل دەمەكێ نێزیك بەلاڤ بكەت.
هەروەسا گۆت: ئەز و ستران تەمامكەرێن ئێكین و هەكە پەیڤ و ئاواز و دەنگ د خۆش بن ستران و سترانبێژ دێ بەرنیاسبن و نموونە ژی ل سەر ڤێ ئێكێ سترانەك ب دەنگێ سترانبێژەكی هاتبوو گۆتن بەرنیاس نەبوو، چەوا من ئەو ستران گۆت ب دەنگی من بەرنیاس بوو ستران خۆشیەكا تایبەت بۆ من چێدكەت و ئەز گەلەك یێ پێڤە هاتیمە گرێدان و بەردەوام دچمە دەواتان و دشێم هەموو جۆرێن سترانان بێژم و سترانێن گەلەك ل دەواتان دهێنە گۆتن كۆچەری و عەودیشۆ و بەلەدی و پتر داخازی ل سەر ئەڤان هەیە.
