ئەڤرۆ بایرن میۆنخ و ئارسنال دێ شەڤبێرییا چامپیۆنزێ ئاگرین كەن
چاڤەڕێ دهێتە كرن ئەڤرۆ نەهـ یاریێن مایی ژ هەڤرۆگیێن گەڕا سێیێ ژ قارەمانییا یانەیێن ئۆرۆپا قارەمانێن خولا چامپیۆنز لیگ بهێنە كرن و شەڤبیریێن ئاگرین هەنە و دێ هەڤڕكی بۆ سێ خالان هەبیت و خوەشكرنا ڕێزبەندیێن خوە ژ گرنگترین یاریێن ئەڤرۆ.
بایرن میونخ- ئارسنال
گوپیتكا یاریێن ئەڤرۆ هەموو جەماوەرێ وەرزشی تایبەت پشتەڤانێن هەردو یانەیێن بایرن میونخ یا ئەلمانی خودانا ئەرد و جەماوەری و هەڤڕكا وێ ئارسنال یا ئنگلتەرایێ چاڤەڕێ نە ئەوا دێ ل دەمژمێر 10ی شەڤ هێتە كرن، یانەیا ئنگلتەرایی خودانا شەش خالایە ژ هەردو سەركەفتنێن یاریێن بۆری یە ل ڕێزا حەفتێ دهێت، د بەرانبەر دا یا ئەلمانی چار خال هەنە ل ڕێزا دەهێ دهێت، ئەڤ دیدارە دێ یا تەكتیكا هێرشبرنێ و شەڕێ سێ خالان بیت، پڕانییا دیدارێن پێشتر د بەرژوەندییا یانەیا ئەلمانی دایە ئەوا ژ 15 یارییان هەشت سەركەفت ئینایین، ئارسنالێ چار سەركەفتن و سێ وەكهەڤی دناڤبەرا واندا بوویە.
ڕیال مەدرید- لایبزیگ
هەلگرا 15 ناسناڤێن پێشتر یێن چامپیۆنزێ یانەیا ڕیال مەدرید دێ ل یاریگەها خوە سانتیاگۆ بێرنابیو یانەیا لایبزیك یا ئەلمانی مێڤان كەت و چاڤ ل سێ خالێن دینە پشتی شەش خال ژ دو یاریێن بۆری كۆمكرین ل ڕێزا هەشتێ دهێت، لێ یانەیا ئەلمانی پاریەكێ ب سانەهی نابیت ئەوا هەردەم بوویە هەڤڕكەكا بهێز بۆ ڕیالێ، هەرچەندە بتنێ سێ خال هەنە ل رێزا 21ێ دهێت، لێ دیدارێن وان ژی نێزكی ئیكن بتنێ چار جاران بەرانبەر ئێك بووینە، دو سەركەفتن بۆ ریالێ و ئێك بۆ لایبزیك و وەكهەڤیەك، ئەڤ یاریە دێ ل دەمژمێر دەهی شەڤ هێتە كرن.
مانچستەر یونایتد- كۆمۆ
دیدارەكا ب سانەهی نابیت بۆ یانەیا مانچستەر یونایتد یا ئنگلتەرایێ بەرانبەر یانەیا كۆمۆ یا ئیتالی خودانێن ئەرد و جەماوەری ئەوێن سێ خال كۆمكرین ل ڕێزا 12ێ دهێت ب سێ خالان، هەمان خال یێن یانەیا ئنگلتەرایێ نە ل ڕێزا 13ێ دهێن ب كێمترییا گۆلان، ئەڤ دیدارە دبیتە یا ئێكێ یا فەرمی د چامپیۆنزێ دا، ئەڤ دیدارە ل دەمژمێر 7:45 شەڤ هێتە كرن.
لیل- گالاتا سارایی
ئێك ژ دیدارێن دی یێن هەڤسەنگ دناڤبەرا خودانێن ئەردی یانەیا لیل یا فرەنسی و گالاتا سارایی یا توركی ئەوا بڕیارە ل دەمژمێر 7:45 شەڤ بهێتە كرن، هەردو یانە هیچ سەركەفتنەك نە ئینایە و پێدڤی ب سێ خالێن ڤێ یاریێ هەنە ژبۆ باشكرنا هەلوەستێ خوە، لیل ل رێزا 34ێ دهێت و گالاتا سارایی ل ڕێزا 35ێ و بەری دووماهیێ دهێت، ئەڤ دیدارە ژی دبیتە یا ئێكێ دناڤبەرا هەردو یانەیان دا.
ئینتەر میلان- شاختار دۆنیتسك
ل دەمژمێر 10ی شەڤ هەلگرا سێ ناسناڤێن چامپیۆنزێ دێ ل یاریگەها خوە سان سیرۆ مێڤاندارییا یانەیا شاختار دۆنیتسك یا ئۆكرانی، یانەیا ئیتالی دەستپێكەكا خراب یا هەیی ژ هەردو یاریێن بۆری نەشیایە هیچ خالەكێ بینیت ئەوا ل ڕێزا 29ێ دهێت و ئەڤ یارییە دڤێت قەرەبوو بكەت، لێ بەرانبەر یانەیەكێ یە دەستپێكا وێ باشتر بوویە ئەوا چار خال كۆمكرین ڕێزا 11ێ دهێت، دیدارێن پێشتر حەفت یاری بووینە سێ سەركەفتن بۆ ئینتەرە، چار وەكهەڤی بدووماهی هاتینە.
ئاستۆن ڤیلا- فایكینگ
چاڤەڕێ یە یانەیا ئاستۆن ڤێلا یا ئنگلتەرایێ ل یاریگەها خوە یانەیا فایكینگ یا نەرویجی ل دەمژمێر 10ی شەڤ مێڤان بكەت، یانەیا ئنگلتەرایێ د ڕەوشەكا باش دایە و شیایە شەش خالان ژ هەردو یاریێن بۆرین كۆمڤەبكەت ڕێزا سێیێ دهێت، د بەرانبەر پشكدارییا ئێكێ یا فایكینگە ژ وەكهەڤیەكێ خالەك كۆمكریە ل ڕێزا 27ێ دهێت.
ڕیال پیتس- فاینۆرد
ئێك ژ دیدارێن دی یێن هەڤسەنگی دناڤبەرا خودانێن ئەردی یانەیا ڕیال پیتس یا ئسپانی و فاینۆرد یا هۆلەندی، یانەیا ئسپانی دو سەركەڤتنێن باش ئیناینە ل ڕێزا نەهێ دهێت و حەزا سێ خالێن دی هەیە، لێ فاینۆرد تیمەكا ب سانەهی نابیت ئەوا سێ خال هەین ل ڕێزا 23ێ دهێت و چاڤ ل سەركەفتنێ یە، ئەڤ دیدارە دبیتە یا ئێكێ یا چامپیۆنزێ دناڤبەرا هەردو یانەیان دا، یاری ل دەمژمێر دەهی شەڤە.
سپۆرتینگ لەشبۆنە- لاسك لێنز
بڕیارە یارییەكا دی ژدیدارێن ئەڤرۆ دناڤبەرا خودانێن ئەردی یانەیا سپۆرتینگ لەشبۆنا یا پۆرتۆگالی و لاسیك لێنز یا نەرویجی ئەوا دێ ل دەمژمێر 10ی شەڤ هێتە كرن، خودانێن ئەردی شەش خال ژ دو سەركەفتنان كۆمكرینە ل ڕێزا شەشێ دهێت، د بەرانبەر دا مێڤانا وێ هیچ خالەك نینە ل ڕێزا 33ێ دهێن.
كلۆب برۆج- لانس
دووماهی دیدارێن ئەڤرۆ یێن چامپیۆنزێ بڕیارە یانەیا كلۆب برۆج یا بەلجیكی ل یاریگەها خوە یانەیا لانس یا فرەنسی ل دەمژمێر دەهی شەڤ مێڤان بكەت، هەردو یانە خودان سەركەڤتنەك ژ دو یاریێن بۆری، كلۆب برۆج ل رێزا 16ێ دهێت، لانس ل رێزا 19ێ دهێت، ئەڤ یارییە دبیتە دیدارا ئێكێ یا هەردو یانەیان.
