سه‌عد جه‌عفه‌ر: خولا كوردستانێ دەلیڤەیە داکو ئەم شیانێن خوە تاقی بکەین و بهێز ڤەگەڕین
محەمەدعەلی نوری
د دیدارەکێ دا سەعەد جەعفەر یاریزانێ گەنج یێ تیما باسكێت بۆلا یانەیا گارە بەرهەڤیێن وان بۆ وەرزێ نوو یا خولا کوردستانێ بەردەوامن ئەوا بڕیارە ل حەفتییا بهێت ل باژێرێ زاخۆ دەستپێبکەت
زێدەتر ناڤهاتی گۆت: تیما یانەیا گارە ب سەرپەرشتییا ڕاهێنەرێن خودان شیان خەتاب عومەر و هاریکارێ وی رەمەزان یوونس بەرهەڤیێن باش هاتینە کرن و هەموو بزاڤێن مە ئەون ئەم نە بتنێ پشکدارییێ بکەین بەلکۆ ببیتە تیمەکا هەڤڕک بۆ سەرکەفتنان، ژلایەکێ دووڤە خولا کوردستانێ بۆ مە دەلیڤەیە ئەم شیانێن خوە یێن چەندی سالە پێش دئێخین تاقی بکەین پێنەڤێت بۆ ڤێ قارەمانییێ ژی دێ بهێز ڤەگەڕین.
ژلایەکێ دووڤە ناڤهاتی گۆت: هەرچەندە پێشتر مە بەرهەڤی بۆ خولا پلا دویێ یا ئیراقیێ کرن و یاریزان هەموو کوڕێن باژێرێ دهۆکێ نە، لێ ب مخابنی ڤە ژبەر چەند ئەگەران ژ وانا نەبوونا پشتەڤانییێ ئەم نە چار بووین ئەڤێ خەونێ ژی ژ دەست بدەین، سەرباری بزاڤێن ڕاهێنەرێن مە بۆ پشکداریێ لێ بێ ئەنجام بوون، لەوما ژی دڤێت بۆ خولا کوردستانێ ئەم هەموو بزاڤان بکەین باشترین شێوە بهێنە دناڤ خولێ دا ئەوا ئەز پێشبینی دکەم ئەرکێ مە ژی ب سانەهی نابیت بەرانبەر چەند یانەیێن پشکدار د خولێن پیشەکارێن و پلا ئێک یا ئیراقێ دا.
لدووماهییێ سەعەد جەعفەری داخواز ژ جهێن پەیوەندیدار کر پشتەڤانییا ڤێ یانەیێ بکەن تایبەت گەنج و لاوان ئەوێن ب مورالەکا بلند هاتینە دناڤ یاریێن وەرزشی دا و هیڤیێن مەزن هەنە بۆ پێشڤەکرنا وەرزشێ
پشكداریێ د خولا ئیراقێ دا كه‌ین یان نه و گۆت: هەکە پشتەڤانی بۆ ڤێ تیمێ هەبیت گەشبینم دێ نڤشەکێ نوو و پێشکەڤتی ل سەر دەستێ ڕاهێنەرێن مە هێتە پێش و پەیدابن.
بۆ زانین هەتا نوکە دهێتە چاڤەرێکرن هەر ئێک ژ یانەیێن، گارە، زاخۆ، سوولاڤا نوو، سایبس و دەربەندیخان دێ پشکداربن و پێشبینییا سێ یانەیێن دی ژی هاتیە کرن.
