برنارد کوشنەر: بێ زڤرین بۆ بەغدا دێ ھاریکاریا پێشمەرگەی کەین
ئه‌ڤرۆ نيوز، ئه‌ياد به‌روارى:
وەزیرێ دەرڤەیێ فرەنسی یێ بەری راگەھاند، بێ زڤرین بۆ حوکمەتا عیراقی چەک و ھاریکاریێن لەشکری یێن پێشکێشی پێشمەرگەی کرین، دوپات کرژی، وەکو دەولەتا فرەنسا پشتگیریێ ل دەولەتا کوردی دکەین و ل دەمێ راگەھاندنا دەولەتا کوردی ژی دێ دانپێدانێ پێ کەین.
برنارد کوشنەر وەزیرێ دەرڤەیێ فرەنسی یێ بەرێ، ل دووڤ سایتێ فەرمیێ پارتی، ل گەل ھژمارەکا رۆژنامەڤانێن کورد ل بارەگایێ نوونەراتیا حوکمەتا ھەرێما کوردستانێ ل پاریس کۆمبوو و د چارچۆڤێ وێ کۆمبوونێ دا گوت” فرەنسا بەردەوام پشتەڤانیا ھەرێما کوردستانێ و گەلێ کورد یا کری، د شەڕێ دژی داعشێ دا ژی، مە پشتەڤانیا پێشمەرگەی یا کری و دێ بەردەوام ژی بین”.
کوشنەری ئاشکراکر ژی” بێ زڤرین بۆ حوکمەتا فیدرالی یا عیراقی، مە ھاریکاریا لەشکری بۆ پێشمەرگەی و ھەرێما کوردستانێ یا کری و دێ د بەردەوام ژی بین ل سەر وێ چەندێ”.
