مووچێ یازده هزار كێم ئه‌ندام و چاڤدێریيا خێزانێ هاته راگرتن
ئه‌ڤرۆ نیۆز، قائید میرۆ
وه‌زاره‌تا كاروبارێن كۆمه‌لایه‌تی ئاشكراكر، پشتی بكار ئینانا سیسته‌مێ ئه‌لكترۆنی بۆ مفادارێن وه‌زاره‌تا كارو بارێن كۆمه‌لایه‌تی مووچێ نێزیكی 11 هزار كه‌سان هاتیه راگرتن و هه‌تا باده‌كێن وان ئێكلا نه‌بن مووچه بۆ ناهێته مه‌زاختن.
مه‌حه‌د كانی، په‌یڤدارێ وه‌زاره‌تا كاروبارێن كۆمه‌لایه‌تی ب ئه‌ڤرۆ نیۆز راگه‌هاند” پشتی بكار ئینانا سیسته‌مێ ئه‌لكترۆنی بۆ موچێ كێم ئه‌ندام و مفادارێن توڕا چاڤدێریا جڤاكی كه‌تیه كاری ده‌ركه‌تیه هنده‌ك كه‌سان مه‌رجێن وه‌رگرتنا مووچه‌ی نینه ل وه‌زاره‌تا كار و دو ملیۆن دۆلار دێ بۆ حوكمه‌تێ هێنه ڤه‌گه‌ڕاندن”.
كانی دیاركر، نوكه موچێ نێزیكی 11 هزار كه‌سان هاتیه راگرتن و هه‌تا باده‌كێن نه‌هێنه ئێكلاكرن موچه بۆناهێته مه‌زاختن، گوره‌ی سیسته‌مێ نوو هه‌ر كه‌سه‌كێ مه‌رجێن وی دگه‌ل سیسته‌می نه‌گونجیێن ئه‌ڤه نه‌شێت مفاداربیت ل موچێ وه‌زاره‌تا كار و سیسته‌مێ نو نه عه‌دالاتیا به‌رێ نه‌هێلایه.
