339 هزار ده‌نگده‌رێن نوو ل توركیا دێ ده‌نگێن خوه ده‌ن
ئه‌ڤرۆنیۆز، ئه‌یاد به‌روارى
لژنا بلند یا هه‌لبژارتنان ل توركیا دیاركر كو 339 هزار ده‌نگده‌رێن نوو ل توركیا بۆ هه‌لبژارتنێن ئه‌ڤرۆ یێن توركیا یێن هاتینه تۆماركرن هه‌مبه‌ركرن ل گه‌ل هه‌لبژارتنێن گه‌را بۆری ل هه‌فتێ خزیرانا 2015ێ.
سایتێ (توركیا پۆست) یێ توركی ژ لژنا بلند یا هه‌لبژاتنان ل توركیا ڤه‌گوهاستیه كو هژمارا ده‌نگده‌رێن د ناڤخوه‌یێ توركیا دا ل هه‌لبژارتنێن هه‌فتێ خزیرانێ 53 ملیۆن و 765 هزار و 231 ده‌نگده‌ر بوون و ل ده‌رڤه‌ی توركیا دو ملیۆن و 867 و 658 ده‌نگده‌ر بوون، لێ د هه‌لبژارتنێن ئه‌ڤرۆ دا هژمارا ده‌نگده‌رێن د ناڤ توركیا دا یێن گه‌هشتینه 54 ملیۆن و 75هزار و 851 كه‌سان و ل ده‌رڤه‌ى توركیا یێن گه‌هشتینه دو ملیۆن و 895 هزار و 885 ده‌نگده‌ران و ب ڤی شێوه‌ی هژمارا ده‌نگده‌رێن نوو ژ هه‌لبژارتنێن هه‌فتێ خزیرانێ ل ناڤ توركیا دگه‌هنه 310 هزار و 620 ده‌نگده‌ر و 28 هزار و 227 ده‌نگده‌ر ل ده‌رڤه‌ی توركیا.
