كۆمپانيا ئه‌پل ژڤانێ فرۆتنا ئايپاد پرۆ راگه‌هاند
ئه‌ڤرۆ نيوز:
كۆمپانيا ئه‌پل د رێيا ده‌نگوباسه‌كى دا به‌لاڤكر كو ب ژڤانن سوبه‌هى رۆژا چارشه‌مبى رێكه‌فتى 11ى چريا دويێ ب ره‌نگه‌كێ ئونلاين ل به‌ر ده‌ست بيت بۆ كرينێ و ل دووماهيا حه‌فتيێ ئانكو 13ى چريا دويێ ل بازاران ل به‌ر ده‌ست بيت.
ئايپاد پرۆ دێ ل 40 وه‌لاتێن جيهانێ ل به‌ر ده‌ست بيت و ژ وان ژى هه‌ر ئێك ژ وه‌لاتيێن ئه‌مريكا و كه‌نه‌دا و بريتانيا و ئوستراليا و ئيمارات و توركيا و چين و چه‌ند وه‌لاته‌كێن دى.
ئه‌پل دێ ل گه‌ل ڤى جۆرێ ئايپادێ چه‌ند كه‌رستێن دى ل گه‌ل به‌لاڤ كه‌ت ژ وان ژى قه‌له‌مێ ئه‌پل ب ناڤێ Apple Pencil و ب بهايێ 99$ و کیبۆرێی هەستیار ب ناڤێ Smart Keyboard ب تنێ ره‌نگێ ره‌شب بهايێ 169$ و Smart Cover ب دو ڕەنگێن رەش و سپی و بهايێ 59$ و Silicone Case ی ئەڤ ئامێره ب دو ره‌نگێن ره‌ش و سپى و ب هايێ 79$ ئێخيته د بازارى دا.
ئه‌ڤ ئايپاده سێ مودێلێن جودانه و 32 گێگا و وايفاى ب بهايێ 799$ و مودێلا 64 گێگا وايفاى ب بهايێ 949$ و مودێلا 128 گێيگا وايفاى + سێلوله‌ر ب بهايێ 1079$ و ب سێ ره‌نگێن گوڵد و رساسى و ره‌ش.