شه‌رێ ئازادكرنا مووسل دێ چه‌ند ڤه‌كێشيت؟
ئه‌ڤرۆ نيوز:
فه‌رماندا هێزێن ئه‌مريكا ل عيراق و سوريا راگه‌هاند كو ئازادكرنا پارێزگه‌ها مووسل چه‌ند حه‌فتيه‌ك و دبيت زێده‌تر ژى ڤه‌كێشيت.
ستيڤن تاونسند، فه‌رماندێ هێزێن ئه‌مريكا ل عيراق و سوريا ئه‌ڤرۆ رۆژا دوشه‌مبى راگه‌هاند كو پرۆسا ئازادكرنا مووسل ده‌سپێكر و هه‌كه چ شه‌ره‌كێ گرانه، به‌لێ هێزێن پێشمه‌رگه و له‌شكرێ عيراقێ ده‌سپێكر و ئه‌م ژى وه‌كو هه‌ڤپه‌يمان دێ هاريكاريا وان كه‌ين.
ئاماژه ب وێ چه‌ندێ ژى كر كو بۆ ئاماده‌كرنا ڤى شه‌رى ب پێشمه‌رگه و هێزێن عيراقێ راهێنان ب 54 هزار چه‌كداران كريه و هه‌تا راده‌كێ باش د ئاماده‌باشيێ دانه.
ده‌رباره‌ى ماوێ ڤه‌كێشانا ڤى شه‌رى ژى ستيڤن تاونسند گۆت: “شه‌ر يێ ب ساناهى نيه و دێ ڤه‌كێشيت، دبيت چه‌ند حه‌فتيه‌كان يان زێده‌تر ڤه‌كێشيت”.