کوردەکی ھەڤژینا خوە ب دووڤ ترۆمبێلێ ڤەکر و ل جادێن ئه‌لمانيا خشاند
ئەڤرۆنیوز، کاروان باعەدری:
كه‌سه‌كێ كورد ل ئێك ژ باژێرێن ئه‌لمانيا هه‌ڤژينا خوه ب دووڤ ترۆمبێلێ ڤه‌كر و ل كولانێن باژێرى گێراند و هێشتا ژى نه‌هاتيه زانين كا ئه‌گه‌رێن ڤێ روودانێ چنه.
خالد عەلی بناڤی ژ ئەڵمانیا کو ئاگەھداری ڤێ بوویەرێ بوو بۆ ئەڤرۆ نیوز گۆت: “دوھی ب شەڤ ل باژێرێ ھاملن یێ گرێدای ھەرێما نیدەرساکسن ل وەلاتێ ئەلمانیا کەسەکی ب ناڤێ ( نورەدین ) تەمە ن 38 سالی ھەڤژینا خوە یا بەرێ ب وەریسەکی گرێدایە و ب دووڤ ترۆمبێلا خوە ڤەکریە ل جادەیێن باژێرى راکێشا یە”.
زێده‌تر گۆت: “پشتی ھەوار و دیتنا ھندەک وەلاتین ئاگەھداریا پۆلیسان ھاتیە کرن و پولیس چووینە جھێ بویەرێ و ئەو ژن ب ھەلیکۆپتەرەکێ ڤەگوھاستیە نەخوشخانێ و دبن چاڤدێریا نوشداران دایە”.
رۆژناما بیلد یا ئەلمانی ژى دايه زانين كو ھێشتا نەھاتیە زانین ئەگەرێ ڤێ روودانێ چ بوویە و بۆچی ب ڤی رەنگێ ھوڤانە ئەڤ کرياره ئه‌نجام دايه، ھێشتا ڤه‌کۆلین د بەردەوامن ل دۆر بوویەرێ”.
هه‌ڤژينا روودان ب سه‌رى هاتى ب ناڤێ “قه‌ده‌ر”ه، د ژيێ 28 ساليێ دا و تاوانبار ژى كورده خه‌لكێ باكوورێ كوردستانێ هه‌لگرێ هه‌ردو ره‌گه‌زنامێن توركى و ئه‌لمانى يه.