دوماهى ته‌كنیكا داعش
ئه‌ڤرو نیوز ،بارزان مزوورى
میلازم فه‌هد سعدون، ئه‌فسه‌ره‌كێ كورد دناڤ له‌شكه‌رێ عێراقێ ل میحوه‌رێ شه‌لالات بو ئه‌ڤرو نیوز دیار كر كو دوماهى ته‌كتیكێن داعش بو سه‌ر له‌شكه‌رێ عێراقێ ترومبێلێن دارى یێن ب شێوه‌یێ هه‌مه‌ر دروست كرینه و بویاغكرینه وه‌كو ترومبێلێن هه‌مه‌ر لێكریه و دانینه ل جهێن پێش چاڤ یێن خه‌لكى كو خه‌لك ببینیت بێژیت داعش هێز مایه و نزانن ژى ئه‌و ترومبێل ب دارى هاتینه دروست كرن لدوڤ شێوازێ له‌شكه‌رى،
ناڤبرى دیار كر كو گه‌له‌ك ژ وان ترومبێلێن دارى ل ئاڤاهیێن میرى و ئاڤاهیێن خه‌لكى دانایه ئه‌و جهێن خه‌لك لێ كوم دبیت دا فروكه وى جهى بوردومان كه‌ت و خه‌لكى سڤیل ببیته ئارمانجێن بوردومانا و بهێن كوشتن ،
ناڤبرى گوت : د اعشێن شه‌رى دكه‌ن ل مووسل پتریا رێژا چه‌كدارا د بیانى نه و عێراقى گه‌له‌ك كێمن .