د روودانەکا ھاتن و چوونێ دا ھەشت کەس بونە قوربانی
ئەڤرو نیوز ، نەوزاد زادە ھلوری:
پشتی نیڤرویا ئەڤرۆ لسەر رێیا گشتی یا دناڤبەرا ھەولێر بو دھۆک ل نێزیک تەلوە ، د روودانەکا ھاتن و چوونێ دا ھەشت کەس بونە قوربانی.
رائید ئازاد تەھا بەرپرسێ راگەھاندن و پەیوەندیان ل رێڤەبەریا گشتی یا ھاتن و چوونا دھۆکێ بۆ ئەڤرو نیوز گۆت: (ژ ئەنجامێ درۆستبوونا روودانەکا ھاتن و چوونێ دناڤبەرا سێ ترومبێلان دا لسەر رێیا گشتی یا ھەولێر بو دھۆک ل نێزیک تەلوە ، ھەشت کەس بونە قوربانی کو ئەو ژی چوار ژن و چوار زەلامان بوون ، بەلێ سوپاس بو خودێ کەسێ گیانێ خوە ژ دەست نەدایە و تنێ بریندارن ، بەلێ رینا پشکەک ژ برینداران گرانە و بۆ نەخوشخانەیێن سنوورێ پارێزگەھا دھۆک و ئاکرێ ھاتینە رەوانەکرن)
زێدەتر گۆت: (روودان ژ ئەنجامێ بلەز لێخورینا شوفێرا و خرابیا رێیا دەڤەرێ دزڤریت ، و پولیسێن مەیێن ھاتن و چوونێ ل جھێ روودانێ دەست ب ڤەکولینێن زێدەتر ژ بەر سەدەما درۆست بوونا روودانێ دکەن)
