ڤیدیو – میدیایێ ” کچا پێشمەرگە”ی بەلاڤکر
دھۆک ، نەوزاد زادە ھلۆری:
ئەڤرو سترانبێژا رۆژئاڤایێ کوردستانێ میدیا حەسو ئێکەمین کلیپا خوە بەلاڤکر کو تێدا قارەمانیا کچێن پێشمەرگە نوشا جیھانێ ددەت.
سەلمان جەرگیس خودانێ پەیڤێن کلیپا کچا پێشمەرگە یا میدیا حەسوو بۆ ئەڤرو گۆت: (کلیپا کچا پێشمەرگە دبیتە ئێکەمین کلیپ کو ژلایێ سترانبێژ ” میدیا حەسو” ڤە دھێتە چێکرن ، کلیپ خوە ژ پەیڤێن منن و ئاواز ژی ژلایێ ئەلمان ئەیاد ڤە ھاتیە دانان و کارێ دەرھێنەریا کلیپێ ژی ژلایێ ھونەرمەند مازن عیسایی ڤە ھاتیەکرن ، و ئەڤە نێزیکێ سالەکێ یە ل پارێزگەھا دھۆک و چیایێ گارەی ل دەڤەرا ئامێدیێ کار لسەر دھێتەکرن)
زێدەتر گۆت: (کلیپ بەحس ل قارەمانیا کچێن پێشمەرگە دھێتەکرن و سوپاس بو ستودیو ئەلماز ل دھوکێ کو کارێن تومارکرنا دەنگی بو کرینە و دیسان سوپاس بو کچێن پێشمەرگێن لەشکرێ رۆژ یێ رۆژئاڤایێ کوردستانێ)
دھێتە زانین کو سترانبێژ” میدیا حەسو “خەلکا رۆژئاڤایێ کوردستانێ یەو نھا ل کەمپا دومیز ل پارێزگەھا دھۆک ئاکنجی یە.
ڤێرە کلیک بکە بو دیتنا کلیپا وێ
