ئەڤ کچا ھندی ژ ئەنشتاین و ھاوکینگ زیرەکترە
ئەڤرو نیوز:
کچەکا ھندی بناڤێ ” راجگۆری پاوار ” کو دژیێ ١٢ سالیێ دایە و ل بریتانیا ئاکنجیە د تاقیکرنا ئای کیو دا کو تایبەتە ب شیانێن وان کەسانێن کو شیانێن نەد ئاسایی ھەیی ، دەرچوو و دوو نمرەیان ژی کەفتە بەرا ئەلبێرت ئەنیشتاین و ستیڤن ھاوکینگ.
دڤی واریدا مالپەرا مێنسا یا بەریتانی دیارکر کو کچەکا ھندی بناڤێ راجگۆری پاوار کو ل بریتانیا ئاکنجیە شیانێن نە ئاسایی ھەنە و گۆتیە: (راجگۆری پاوار د تاقیکرنا شیانێن نە ئاسایی دا شیایە ١٦٢ خالان دەستخوڤە بینیت کو ئەڤ یەک ژی دوو نمرەیان پترە ژ ھەردوو زانایێن جیھانی ئەلبێرت ئەنیشتاین و ستیڤن ھاوکینگ )
زێدەتر ھاتیە: (دەستڤەئینانا ١٦٢ خالان بلندترین ئاستێ نمرەیانە بو وان کەسانێن کو ل خوار ژیێ ١٨ سالیێ دانە و ب ئێک ژ وان ٢٠ ھزار کەسێن جیھانێ ھاتە ھژمارتن)
ھەر چەندە پاوارێ رەتکر کو ئەو گەھشتبیە ئاستێ ھەردوو زانایێن ناڤبری بەلێ دیارکر کو ئەو زور دلخوشە ل گەل ئەوان ھەردوو زانایان ناڤێ وێ بھێت و گۆت: (ھەردوو زانایان ئەنیشتاین و ھۆکینگ زور مەزنن و ئەز باوەرناکەم بگەھمە ئاستێ وان )
