ب وێنە – سەرۆک و سەنگەر ل پارێزگەھا دھۆکێ ژ دایکبوون
ئەڤرۆ نیوز ، نەوزاد ھلۆری:
ل سنوورێ قەزا شێخان یا سەر ب پارێزگەھا دھوکێ خودایێ مەزن جێمکەکێ کوران دایە پێشمەرگەیەکێ و ئەوی ژی ناڤێن وان کرنە سەروک و سەنگەر ، ئەڤە د دەمەکێ دایە ئەو دەما کو ئەو ھەردوو زاروکە پەیدابووی ئەو د سەنگەرێن بەرەڤانیێ دابوو.
دڤی واریدا رائید ھەوار مزیری بابێ سەروک و سەنگەر بۆ ئەڤرۆ نیوز گۆت: (وەکو وەفاداری و رێزگرتن بو سەروکی َھەرێما کوردستانی َمەسعود بارزانی کو زێدەباری وەکو سەرۆکێ ھەرێما کوردستانێ یە د ھەمان دەم دا وەکو پێشمەرگەیەکی َدێرین زێدەتری ٥١ سالە وەکو پێشمەرگە بەردەوام د سەرنگەران بەرەڤانیێ ژ ئاخ و نەتەوە و ناموسا گەلێ کورد دکەت ژ بەرڤی َمن ژی ناڤێن ھەردوو کورێن خوەیێن جێمک کرە سەروک و سەنگەر ، ھەردیسان نوکە سەنگەر بخوە ژی بوویە خالا سنووری یا ھەرێما کوردستانێ ل گەل عیراق کو ب خوینا پێشمەرگەی ھاتیە نەخشاندن)
زێدەتر گۆت: ( ھەتاکو دلوپەکا خوینێ د لەشێ مەدا ھەیە ئەم ژی دێ بەرەڤانیێ ل ئاخ و نیشتمانێ خوە کو کوردستانە کەین و دخوازم کو ھەموو گەلێ کورد پێکڤە پشکداریێ د ریفراندوم بکەن بو سەربخویا کوردستانێ)
رائید ھەوار دناڤ ھێزا لەشکەرێ تایبەت ل زاویتە دەست ب کارێ پێشمەرگایەتی کریە و نھا ل سنوورێ حەویجە پێشمەرگەیە و د چەندین شەرێن دژی داعشێ دا پشکداری کریە ، ل گورەی ئاخفتنێن ھەواری ئەو دەما کو خودایێ مەزن ئەو ھەردوو زاروکە داینە وی ئەو ل سەنگەرێن بەرەڤانیێ بو دژی داعش ل سنورێ حەویجە.
