١٧ ھزار و ٦٤٠ دولار ب سەر بی سەمیانێن دەڤەرا ئامێدیێ ھاتنە دابەشکرن
ئەڤرۆ نیوز، مەحمود؛نھێلی
دەزگەھێ بارزانی یێ خێرحوازی ب ھەڤکاری دگەل قایممقامیا قەزا ئامێدیێ ئەڤرو ١٣/٧/٢٠١٧ ھاریکاریێن دراڤی ل سەر (بێ سەمیانێن) قەزا ئامێدیێ دابەشکرن .
شەڤگێر رەمەزان نوینەرێ دەزگەھێ خێرخوازیێ بارزانی ل قەزا ئامێدیێ بۆ ئەفرۆ نیوز گوت: ھاریکاریێن ئەڤرو ب ھەڤکاریا ھەیڤا سورا ئیماراتی ل سەر (١٢٦) بێ سەمیانێن قەزا ئامێدیێ ھاتنە دابەشکرن و بو ھەر (بێ سەمیانەکێ) ژی (١٤٠) دولارێن ئەمریکی بوون .
ناڤبری دیارکر ژی ، کو ئەڤ رەنگە ھاریکاریە یێن ھەیڤانە نە دەزگەھێ خێرخوازیێ بارزانی ل قەزا ئامێدیێ ل سەر (بێ سەمیانان ) دا دابەش دکەت.
