ھێزێن پێشمەرگەی 11 خوکوژێن بیانی گرتن ، بزانە دا چ کەن؟
ئەڤرۆ نیوز ، نەوزاد ھلۆری:
ھەر نھا دەمژمێر 10 :10 ھێزێن پێشمەرگەی ل مێحوەرێ تەلەعفەر ل گوندێ سەھل مالح 11 خوە کوژێن داعش گرتن کو ھەموو ژی بیانی بوون و دوو ژی ژ ئافرەت بوون.
نەقیب بێدار زێباری ژ ھێزا پاراستنا ژینگەھا دھۆک یا سەر ب وەزاەرتا پێشمەرگەی تایبەت بو ئەڤرۆ نیوز گۆت: (دەمژمێر 10:10 خولەکێ ئەڤرۆ پێشمەرگێن ھێزا پاراستنا ژینگەھا دھۆک ل گوندێ سەھل ماحل ل سنوورێ ناحیا عیازیە یا سەر ب قەزا تەلەعفەر 11 چەکدارێن داعش گرتن کو ھەموو ژی بیانی بوون و دوو ژی ژ وان ئافرەتن ، ژ وانان ژی شیشانی و ئوکرانی دناڤ دا ھەنە)
زێدەتر گۆت: ( مەرەما سەرەکی یا ئەوان چەکداران ئەو بوو کو خوە ب ھێزێن پێشمەرگەی ڤە بتەقینن و رێکێ ڤە بکەن داکو چەکدارێن دی یێن داعش ب رەڤن و خوە بگەھینن سووریا ، بەلێ سوپاس بو خودێ ھێزێن پێشمەرگەی ھەموو ئەو داعش گرتن بێی کو زیانەک ب ھێزێن پێشمەرگەی بکەڤیت )
