ب وێنه – پێشانگه‌هه‌كا په‌رتووكان ل شێلادزێ هاته ڤه‌كرن
ئه‌ڤرو نیوز ، ئێقبال عومه‌ر:
سپێده‌یا ئه‌ڤرۆ ل ژێر چاڤدێریا قایمقامێ قه‌زا ئامێدیێ ، رێڤه‌به‌ریا راگه‌هاند و چاپ و به‌لاڤكرنێ ب هه‌ڤكارى ل گه‌ل هه‌ر ئێك ژ ده‌زگه‌هێ خێرخوازى بارزانى و په‌رتوكخانا فه‌نار پێشانگه‌هه‌كا په‌رتووكان ل ناحیا شێلادزێ ڤه‌كر و تێدا هژماره‌كا زور یا په‌رتوكان هاتنه نیشاندان.
دڤى واریدا ئه‌یاد به‌روارى ژ رێڤه‌به‌ریا راگه‌هاند و چاپ و به‌لاڤكرنێ ل دهۆكێ بۆ ئه‌ڤرۆ نیوز گۆت: (سپێده‌یا ئه‌ڤرۆ رۆژا چوارشه‌مبى ل ژێر چاڤدێریا ئیسماعیل موسته‌فا قایمقامێ قه‌زا ئامێدیێ و ب به‌رهه‌ڤبوونا هژماره‌كا زور یا دام و ده‌زگه‌هێن حكومى و حزبى و خواندڤانه‌كێ زور ، رێڤه‌به‌ریا راگه‌هاند و چاپ و به‌لاڤكرنێ ب هه‌ڤكارى ل گه‌ل هه‌ر ئێك ژ ده‌زگه‌هێ خێرخوازى بارزانى و په‌رتوكخانا فه‌نار دووه‌مین پێشانگه‌ها خوه یا په‌رتووكان ل ناحیا شێلادزێ ڤه‌كر و تێدا هژماره‌كا زور یا په‌رتوكان هاتنه نیشاندان)
زێده‌تر گۆت: ( د پێشانگه‌هێ دا دناڤبه‌را 750-800 ناڤ و نیشانێن په‌رتووكان ب هه‌ردوو زمانێن عه‌ره‌بى و كوردى هاتنه نیشاندان و ئارمانجا مه ئه‌و كو پرتوكان نێزیكێ خوانده‌ڤانان بكه‌ین نه‌ك خوانده‌ڤان سه‌ره‌دانا باژێر و په‌رتوكخانان بكه‌ن بو ده‌ستخوڤه ئینانا په‌رتووكان)
فوتو ، ئێقبال ، هلورى
