بنزيما: ئه‌گه‌رێ نزمبوونا ئاستێ ريال مه‌دريد ئه‌ڤ هه‌ردو كه‌سه‌نه
ئه‌ڤرۆنيۆز:
هێرشبه‌رێ يانا ريال مه‌دريد يا ئيسپانى كه‌ريم بنزيما ره‌خنه ل دو كه‌سان گرتن ودبێژيت ئه‌و ئه‌گه‌رێن نزمبوونا ئاستێ يانا ريال مه‌دريدێ نه ل خۆلا ئيسپانى يا ته‌پا پێى.
رۆژناما (ميرۆر) يا بريتانى دياركر كو بنزيما يێ تۆره‌يه چونكى هه‌موو گازندان ژ وى دكه‌ن كو ئه‌و ئه‌گه‌رێ پاشڤه‌چوونا ئاستێ ريال مه‌دريدێ يه ل ڤێ دووماهيێ، به‌لێ بنزيما دبێژيت ئه‌گه‌رێ دروست وسه‌ره‌كى يێ پاشڤه‌چوونا ئه‌نجامێن ريال مه‌دريد كريستيانۆ رونالدۆ و زينه‌دين زێدانن.
رۆژناما ناڤبرى به‌لاڤكر كو بنزيما يێ دلگرانه چونكى زێدان وێ نه‌چاردكه‌ت ده‌ڤه‌را نێزيكى گۆلا يانا هه‌ڤرك بۆ رونالدۆى بهێليت ويانا ريال مه‌دريد دخوازيت هاريكاريا رونالدۆى بكه‌ت دوه‌رگرتنا ته‌پا زێرين له‌وما پتريا ته‌پان دياريان دا بۆ وى دهێنه ئاراسته‌كرن وهه‌موو ده‌ليڤێن گونجاى بۆ وى په‌يدا دكه‌ن بۆ تۆماركرنا گۆلان.
ديسا خوياكريه كو بنزيماى نه‌ڤێت ببيته قوربانێ ڤێ چه‌ندێ كو وێ ژى وه‌كو رونالدۆى دڤى وه‌رزى دا تنێ گۆله‌ك يا تۆماركرى.
جوداهيا خالان دناڤبه‌را به‌رشه‌لونا وريال مه‌دريد يێن گه‌هشتينه 10 خالان دخۆلا ئيسپانى يا ته‌پا پيێ دا.
