ترامپ په‌یوه‌ندی ب ئه‌ردۆغانی كر و پاشی دێ چیته ڤی جهی
ئه‌ڤرۆ نیوز:
سه‌رۆكێ ئه‌مریكا راگه‌هاند: وی په‌یوه‌ندییا تیله‌فۆنی ب سه‌رۆكێ توركیا كر و پشترا دێ چیت یارییا گۆلفێ كه‌ت.
دۆنالد ترامپ، ل ده‌مژمێر 03:00 ئێڤاری (ب ده‌مێ كوردستانێ) ل سه‌ر ئه‌كاونتا خوه ل تویته‌ری د دو پۆستان دا نیڤسی بوو: دێ د گه‌ل ره‌جه‌ب ته‌ییب ئه‌ردۆغان سه‌رۆكێ توركیا ئاخڤم ل دۆر ڤه‌گه‌راندنا ئاشتیێ بۆ وێ گێله‌شۆكا ل رۆژهه‌لاتا ناڤین وه‌ك میرات ژ یێن به‌ری من بۆ من مای، ئه‌ز دێ چاره‌سه‌ر كه‌م، لێ هه‌ر ژ ده‌ستپێكێ شاشی بوو مه گیان ژده‌ست دان و 6 ترلیۆن دۆلار ژی مه‌زاختن.”
ژ ئالیێ خوه ڤه 3 ده‌مژمێران پشتی وێ تویتا ترامپی، میدیا توركیا راگه‌هاند كو سه‌رۆكێن توركیا و ئه‌مریكا په‌یوه‌ندییا تێله‌فۆنی ئه‌نجام دا و تێدا به‌حسێ كۆمبوونا ئه‌ردۆغان ل سووچی د گه‌ل سه‌رۆكێن رۆسیا و ئیرانێ هاته به‌حس كرن و ترامپی ئه‌ردۆغان ئاگه‌هدار كر كو ئێدی چه‌كی بۆ یه‌په‌گێ ناهنێریت.
