بەغدا دێ پشکا بودجا ھەرێمێ بۆ ڤێ رێژێ زێدە کەت
ئەڤرۆ نیوز ، نەوزاد ھلۆری:
چەند ژێدەرەکا ل جڤاتا نونەرێن عیراقێ بۆ رۆژنامەیا شەرقولئەوسەت دیارکر کو دێ پشکا بودجا ھەرێمێ ل پروژە قانونا بودجا گشتی یا عیراقێ ھێتە زێدەکرن ژ وێ رێژا کو بەری نھا ھاتیە دیارکرن ، ب تایبەتی پشتی کو کوردان گڤاشتن لسەر زێدەکرنا وێ کری.
ئەڤرۆ رۆژنامەیا شەرقولئەوسەت دیارکر کو چەند ژێدەرەک ژ جڤاتا نونەرێن عیراقێ ددەن دیارکرن کو دێ پشکا بودجا ھەرێمێ ل بودجا گشتی یا عیراقێ ھێتە زێدەکرن و گۆت: ( ھەلبژاردنا عیراقێ دڤی دەمی دا ئەوە کو پێداچوونێ د بریارا خوە دا بکەن ل بارا کێمکرنا بودجا ھەرێمێ لسەر بودجا گشتی یا عیراقێ وەکو بەری نھا دایە دیارکرن کو ئەو ژی 12.67% بویە )
رۆژناما ناڤبری ئاماژە ب وێ یەکێ ژی دکەت کو دانانا 17% ژ بودجا گشتی یا عیراقێ بو ھەرێما کوردستانێ لسەر چوو بنەمایێن ھژمارا رونشتڤانان نەھاتیە دیارکرن ، بەلکو لسەر بنەمایێ رێکەفتن بویە دناڤبەرا ھەولێر و بەغدا.
ئەوی ژێدەرێ جڤاتا نونەرێن عیراقێ دیارکر ژی کو ئەگەر ھەیە پشکا بودجا ھەرێمێ بو 15% یان 17% بھێتە بلندکرن ل شوونا دیارکرنا رێژەیا روژێن بوری کو ئەو ژی 12.67% بویە ، ئەڤ یەک ژی ب مەرەما وێ یەکێ کو پشکەک ژ وان ئالوزیێن دناڤبەرا ھەرێم و عیراقێ زێدەتر ئالوز نەبن و وەکو چارەسەریەک کو ھەموو لایەک ژی بڤێ یەکێ رازی ببن.
