ئه‌مريكا فشارێ ل به‌غدا دكه‌ت بۆ زێده‌كرنا بودجا كوردستانێ
ئه‌ڤرۆنيۆز:
ئه‌ندامه‌كێ جڤاتا نوونه‌رێن عيراقێ ئاشكراكر كو ئه‌مريكا فشاران ل حوكمه‌تا عيراقێ دكه‌ت بۆ زێده‌كرنا رێژا هه‌رێما كوردستانێ دبودجا سالا 2018 دا.
عه‌بدولره‌حمان ئه‌للويزى ئه‌ندامێ جڤاتا نوونه‌رين عيراقێ ژ فراكسيۆنا ئێكه‌تيا هيزێن عيراقى يا سونى، ل دووڤ تۆرا ده‌نگوباسێن عيراقێ، دياركر، ئه‌مريكا فشاه‌كا ب هيز ل سه‌ر حوكمه‌تا عيراقێ دكه‌ت بۆ زێده‌كرنا به‌هرا هه‌رێما كوردستانێ ژبودجێ بۆ رازيكرنا هه‌ولێرێ.
گۆت ژى، حوكمه‌تا به‌غدا ل به‌ره ميكانيزمه‌كێ بكاربينيت كو تێدا پشت به‌ستنێ ب هژمارا ئاكنجيبوويان بكه‌ت بۆ دانانا راده‌كى بۆ فشاران.
ئه‌للويزى خوياكر، هه‌كه به‌هرا هه‌رێما كوردستانێ بهێته زێده‌كرن ژى ژ ريژا 13% نابۆريت.
حوكمه‌تا عيراقێ رێژا 12.67% وه‌كو بودجا 2018 بۆ هه‌رێما كوردستانێ دانابوو وپاشى بۆ جڤاتا نوونه‌رين عيراقێ ڤريكربوو بۆ په‌سه‌ندكرنێ ل گه‌ل بودجا گشتى يا عيراقێ، به‌لێ حوكمه‌تا هه‌رێمێ نه‌رازيبوونا خوه ل سه‌ر وێ چه‌ندێ دياركر وداخواز رێژا دروست كر ئه‌وژى 17% يه، جڤاتا نوونه‌رێن عيراقێ ژى پرۆژێ قانوونا بودجا 2018 جاره‌كادى بۆ جڤاتا وه‌زيرێن عيراقێ ڤه‌كه‌راندبوو.
