د ئەڤان دەمان دا ژنان کەرب ژ هەڤژینێن خۆ ڤەدبن
ئەڤرۆ نیۆز،زنار تۆڤی:
گەلەک جاران مرۆڤ دبینیت ئەو حەز ژێکرنا دناڤبەرا ژن و مێران دا دهێته گوهۆرین بۆ کەرب و کینێ،ئەڤەژی ڤەدگەریت بۆ چەندین هوکاران.
هەروەسا ئەو هوکارێن دبنە ئەگەرێ هندێ کو ژنان کەرب ژ هەڤژینێن خۆ ڤەدبن ئەڤەنە:
پشتگوهخستن:دەمێ زەلام مامەلەیا خۆ ل گەل هەڤژینێن خۆ د گوهۆرن،خانمێن وان نەشێن خۆ ل بەر وان گوهۆرینان بگرن و دێ کێشە پەیدابن و ب ڤی رەنگی دێ وان گەرب ژ هەڤژینێن خۆ ڤەبن.
رێزنەگرتن:دەمێ ئێک ژ هەڤژینان هەست بکەت کو ژلایێ هەڤبەشەژێ خۆڤە رێز لێ ناهێتە گرتن و حەز ژێکرن و ئەرک و ماندیبوونا وێ ل بەرچاڤ ناگریت،دێ بێ هیڤی بیت و دێ کەرب گرتی بیت.
پێشێلکرنا مافان:پێدڤیە و ئەرکێ ل سەر ملێن هەر ئێک ژ هەڤژینانە کو مافێن ئێکودۆ پێشێل نەکەن و ئەو ئەرکێن ل سەر وانە بەرامبەر ئێکودۆ بێ کێموکاسی جێبەجێ بکەن.
نە پاقژی:ئێکە ژ وان کاران یێن کو دبنە ئەگەرێ تێکچوونا خێزانێ و ژناڤبرنا متمانێ و حەز ژێکرنێ،لەورا خانم نەشێن ب هەمان چاڤێ هەڤژینێ خۆ لێ خۆش ببیت و دێ کەرب ژێ ڤەبن.
بریندارکرنا هەستی:گەلەک دەمان بێی کو مرۆڤ هەست ب خۆ بکەن،ئاخفتن و کریارێن ئازاربەخش بەرامبەری ئێک دکەن،هەروەسا ژنان کەرب ژ وان زەلامان ڤەدبن،یێن کو هەستێ وان بریندار بکەت و سڤکاتیێ پێ بکەت.
