عه‌بادى:عیراق ب تەمامی ژ داعشێ رزگار بوو
ئەڤرۆ نیوز، نەوزاد هلۆری:
ئەڤرۆ سەرۆک وەزیرێن عیراقێ راگه‌هاند کو وەلاتێ وی ب تەمامی ژ داعشێ رزگار بوو ، پشتی کو هێزێن حەشدا شه‌عبی شیاین سنورێ دناڤبەرا عیراق و سووریێ دا پاقژ بکەن و دەڤەرێ رزگار بکەن.
دەمەکێ زورە حەشدا شه‌عبی دناڤبەرا سووريێ و عیراقێ ب تایبەتی ل دەڤەرێن ئەنبار و نەینەوا دەست ب ئوپەراسیۆنێن له‌شكرى کریە بۆ ژناڤبرنا داعشێ ل عیراقێ و ئەڤرۆ کونترۆلکرنا ئێکجاری یا عیراقێ و دەرکرنا داعشێ ژئاخا عیراقێ راگەهاند.
عەبدولئەمیر رەشید یاروللا فەرماندەیێ ئوپه‌راسيۆنێن بادیا جەزیرە دیارکر کو ئەوان ئەڤرۆ قوناغا دووماهیێ یا دەرکرنا داعشێ ژعیراقێ ئه‌نجامدا و دەست ب سەر هەموو دەڤەرا بادیا جەزیرە دناڤبەرا سووریێ و عیراقێ گرتیە.
