ديدار، سالار محةمةد دؤسكى:
پێشمەرگێ شۆرەشا گولانێ (ئلیاس حاجی یوسف پیرۆمەری)، ژ دایك بوویێ سالا 1956ێ گوندێ پیرۆمەرا خواندنا سەرەتایی و ناڤنجی ل دهۆك تەمامكریە، ئەندامێ ئێكەم شانا نهێنی بوو پشتی نسكویا سالا 1975ێ، و جەنابێ سەرۆك (مەسعود بارزانی) دپەرتووكا خوە یا بناڤێ (بارزانی و بزوتنەوەی رزگاریخوازی كورد) بەرگێ چوارێ 1975- 1990 بەشێ ئێكێ ل لاپەرێ 34ێ دا ئاماژە ب ناڤێ هەر دو رێكخستیێن نهێنی ( ئلیاس حاجی پیرۆمەری و دیندار صالح قاسم گەرمانی) كریە، كو شیاینە ئێكەم شانا نهێنی پشتی سێ هەیڤان ژ نسكۆیا 1975ێ ل سەنتەرێ دهۆك ب دامەزرینن، و سالا 1987ێ ئێكەم رێكخستنا پارتایەتی دناڤا ئامادەیا برایەتی دا هاتەدامەزراندن، ژ بەر ئاشكرابوونا وێ شانا نهێنی نەشیا خواندنا خوە ل ئامادەیا پیشەسازی تەمام بكەت، و نەچار دبیت چەكێ شەرەفێ هەلبگریت و ببیتە پێشمەرگە.
پێشمەرگەیێ شۆڕەشا گولانێ، ئلیاس حاجی یوسف ددیدارەكێ دا ل گەل رۆژناما ئەڤرۆ گۆت: ژلایێ (مەحمود غلبیشی) و پێشمەرگەیەكێ دەڤەرا سوران بناڤێ (زوراب) ڤە هاتمە رێكخستن، دناڤا رێزێن پارتی دیموكراتی كوردستان دا و ل سالا 1977 مە دەست ب رێكخستنێن نهێنی كر، وی دەمی ناڤێ رێكخراوا مە (تیشك) بوو، دەمێ رێكخراوا مە ئاشكرابووی گەلەك هەڤالێن مە هاتنە دەستەسەركرن، و ئێدی نەچاربووین دەست ژ خواندنێ بەردەین و دەركەڤین، شەڤا هێزێن ئەمنێ هاتینە من مالا مە ل گرێ باصێ بوو نێزیك مزگەڤتا خودێ ژێ رازی (مەلا عەلی) دەركەفتم و چوومە مالێن جیرانا و پشتی ماوەكی دەركەتم و من قەستا (قەسرا نور محەمەدی ) كر، بابێ (شێخ مەئمون بریفكانی) چەند رۆژا مام و دووڤدا مە ترۆمبێلەك پەیدا كر، بۆ ڤەگوهاستنا خوە وی دەمی تاخێ بەرۆشكێ نەبوو بەلكو دهۆك هەتا (تاخێ قەرچا) بوو، وێ ترۆمبێلێ ڤەگوهاستمە (بێسرێ) و شەڤەكێ مامە ل مالەكێ و دووڤدا چوومە گوندێ(پیرۆمەرا) چوومە دەرگەلا (شێخا) بۆ گوندێ(تەمەر ئاڤا) ل نێزیك (ئەرمشتێ)، دو مال وی گوندی بوون و مام هەتا مەفرەزەكا پێشمەرگەی هاتی و من پەیوەندی پێكر، و ل گەل چوومە ناڤ شۆڕەشا گولانێ چووینە سەر سنورێ توركیا و بارەگایێ لقێ ئێك وی دەمی (سەلیم و كەریم شنگالی) ل وێرێ بوون، و پشتی ماوەكی هاتمە راسپاردان بچمە هندەك گوندێن توركیا و هندەك بەلاڤووكێن پارتی دیموكراتی كوردستان مە بۆ ئەوان گوندان خواندن و دووڤ دا چووینە بارەگایێ لقێ دوو ل سەر ئاڤا شین بوو، دناڤا دوسكی ژووری یا ل گەل (عەریف یاسین) ، ل سالا 1977ێ و پشتی ماوەكی هێزێن جەلالی یا هاتنە دەڤەرێ و نامە بوومە هنارتن یان دڤێت بارەگایێن خوە چول بكەن یان دێ هێنە كوشتن، و شەر د ناڤبەرا مە دا دروست بوو و ئەو هێزا جەلالیا هاتە بەلاڤكرن.
هەمان پێشمەرگە گۆت: چوونا من بۆ ناڤ پێشمەرگەی ئێدی پەیوەندیێن من ل گەل هەڤالێن من هاتنە برین و چەند هەڤالێن من ئەوێن هاتینە دەستەسەركرن هاتنە سێدارەدان، وی دەمی ل قوناغا ئێكێ یا پیشەسازی بووم و پشتی ئەم ئاشكرابووین مە دەست ژ خواندنێ بەردا، زێدەتر رێكخراوا مە كارێ رێكخستنێ دناڤا باژێری دا دكر، و ئەو بەلاڤوكێن دهاتن مە دگەهاندنە رێكخستیێن خوە و هندەك جاران مە ل سەر دیواران ژی دنڤێ سی، بەلاڤەكرنا بەلاڤووكێن بوومە دهاتن زێدەتر دەنگ ڤەدا دناڤا دوژمنی دا و بوو دیار بوو، كو هێزا پێشمەرگەی دناڤا جەرگێ وان دا هەیە و لڤین دەست پێكرینە، و هەمی بەلاڤووك ب هاریكاریا شانێن نهێنی دگەهشتنە مە زێدەتر ژ سنورێ توركیا دەست بۆ دەستی دهاتن.
ئلیاس پیرۆمەری گۆت: ل كونگرێ (9) یێ پارتی ل ئیرانێ پشكداربووم وی دەمی ل گەل سەركردایەتیا بەروەخت بووم، وی دەمی هێزا پارتی ب بوو چەك و چەقەك ل گەل سامی شنگالی بوو خودێ ژێ رازی بیت و ئەنجامدانا كونگرەی ب دلی نەبوو، و ئەو چووین تەهران ل گەل هندەك پێشمەرگا و كونگرە هاتەگرێدان و دووماهیێ گەهشتنە ئێك ڤە و سالەك و نیڤا مامە ل ئیرانێ و زێدەتر ل شۆڕەشا گولانێ شەرێ پارتیزانی بوو، و بتنێ مە دهاڤێتە رەبیان و مە گەلەك جاران مرنا خوە دیتی یە، و جارەكێ ل دەڤەرا رێكانیا كەتینە ناڤ هێزێن چەكدار و لەشكری و ئەم ژی نوزانین چەوا ب ساخی دناڤ ئەڤێ هێزا مەزن دا قورتال بووین، شەرێ مە ل گەل جەلیا ل (بازێ) گەلەكێ نەخوش بوو و دەمێ هێرش كریە سەر هێزێن پارتی دیموكراتی كوردستان دناڤبەرا مە و مرنێ دا هەر چ نەمابوو و قورتال بووین..
هەمان پێشمەرگە گۆت: جارەكێ ل دەڤەرێن (گولی و سندی) یا ئەز هند تێنی بووم و تاڤە هەیڤ بوو و شەڤ بوو گەلەك گەریام ل ئاڤێ ڤەخوم و م چالەك دیت هندەك ئاڤ تێدا و چووم من ڤەخوار و سپێ دێ چووم من سەحكرێ تژی زبل بوو.
هەمان پێشمەرگەی گۆت: دەسپێكا سالێت هەشتێیان ئانكو بەری هەوا ئەنفالان ل ئیرانێ بووم وی دەمی كاودانێن ناڤخوە گەلەك نەباش بوون، و زێدەتر هێزێن كوردی پێك نەدكرن و تایبەت دەمێ جەماعەتێن سەركردایەتیا بەروەخت پارتەك ئاڤاكری بناڤێ پارتی گەل و چەقەك بوو ژ پارتی ڤە بووی و دئەڤان كاودانێن بەرتەنگ دا، كو دەردورێن مللەتێ كورد هەمی دوژمن و ئەم بخوە ژی دوژمنێن خوە بووینە، دیسا دەنگ و باسێن منێن مال نەخوش بوون، و ل سالا 1977ێ دایكا من هاتە دەستەسەركرن ژلایێ ئەمنا دهۆك ڤە و هاتە نەفیكرن بۆ باشورێ ئیراقێ و هەشت هەیڤان ما ل باشورێ ئیراقێ، و هەمان دەم برایێ منێ رەحمەتی (عەلی) دەستەسەركربوو دووڤدا ئازادكر، ب بهانا وێ چەندێ كویێ جودابوو، و خویشكا من (حەوا) هاتە دەستەسەركرن و ب هاریكاریا (دێوالی ئاغای) هاتە ئازادكرن.
هێشتا گۆت: پشتی هەوا ئەنفالان ئەم(13) پێشمەرگە ژ ئیراقێ دا بەر ب سنوری دەربازبین توركا ئەم دەستەسەركرین، بەلێ نەشیا مە هەمیان دەستەسەر بكەت و هندەكا خوە قورتال كر، و ئەوێن ئەم دەستەسەركین هەر ئێك ژ مە هاڤێتە جهەكی وی دەمی (محو گەودا) ژی ل گەل مە بوو، و ل زیندانا (دیاربكەرێ) سالەك و نیڤا مامە ل زیندانێ دا و گەلەك هاتینە ئەشكەنجەدان و ئەو ئەشكەنجەدانا ل زیدانا (دیاربكەر) ل چ جها نەبوو، نوكە ئەو زیندان بوویە( موزەخانە)، گەلەك جاران پیساتی بەردا دناڤا زیندانێ دا و دڤێت زیندانیان خوە ل سەر خشاندبا، و ژبلی قوتانێ و فەلەقێ ئەڤە هەمی چ نەبوو و زیندانێ نان نەدا مە و مە بسكێت و شیر بخوە دكرین، و دیسا چەكدارێن زیندانێ ل وەرزێ هاڤینێ پەنجەرە دگرتن وی دەمی گەرما وێ 45 پلە بوو، و سپلێت گشتی هەلدكرن گەرم دكر، و دیوارێن زیندانێ دبوونە ئاڤ ژ گەرمێ و ئەڤە ژی جورەكێ ئەشكەنجەدانێ بوو، و پشتی ئازادكرین حوكمەتا توركا ئەم كرینە لەشكر و سالەك و نیڤا من لەشكری یا توركا كر، و هندەك پێشمەرگەیێن دی ژی كرنە لەشكر و هندەكا ژی هێلان و رەڤین و چوون.
هەمان پێشمەرگە گۆت: پشتی بوویمە پێشمەرگە جارەكێ من دایكا خوە دیت ل گوندێ (بێشنكێ) جارەكێ (تاهرێ عەبدوللایێ فەتەح پیرۆمەری) ل گەل دایكا من هاتە وی گۆندی و من دیت، و بۆ ئێكەم جار و دووماهی جار دایكا خوە ب بینم هەتا وەغەر كری من نەدیت، و من باشورێ كوردستانێ نەدیت هەتا پشتی سەرهلدانێ.
هەمان پێشمەرگە گۆت: دەمێ مەكتەبا سیاسی یا پارتی دیموكراتی كوردستان ل ئیرانێ (راژان) جارەكێ من سەرەدانا وێ كر، و ل گەل جەنابێ سەرۆك(مەسعود بارزانی) روینشتم وی دەمی ل گەل سەركردایەتی یا بەروەخت بوو، و جەنابێ سەرۆكی هەبوونا مە ب پێدڤی زانی دناڤا رێزێن پارتی دیموكراتی كوردستان دا.
زێدەتر گۆت: ل سالێن هەشتێیان هەڤالەكێ مەیێ باخورنیفی كەفتە كەمینەكا چەتا و هاتە شەهیدكرن و گەلەك بوو عاجزبووم، چونكە مرۆڤەكێ دلسوز و دل پاقژ بوو و چوونا وی گەلەك نەخوشكرم.
هێشتا گۆت: شیرەتا مە بو گەنجان ژ رێكا راستا مللەتێ خوە نەدەركەڤن، چونكی سەركردە و سەركردایەتیێن نەباش و خائین هەنە، و دڤێت گوهداریا وانا نەكەن، و دڤێت مرۆڤ مللەتێ خوە نەبەردەت و مخابن مە بەرهەمێ وەستیانا خوە نەدیت، و بەرهەمێ وەستیانا مە جاش و خائینا خوار.
هەمان پێشمەرگە زێدەتر گۆت: ل سەرهلدانا پیرۆز گەلەك كەیفا مە هات دەمێ مە دیتی خەلكێ مە ئازاد ژیای و ئێدی مە هەست پێكر ئەم یێ ل بەحشتێ دا، و تایبەت پشتی سەرهلدانێ گەلەك خوش بوو.
نيشاندان