هونەرمەند مەحمود بامەرنی، د دیدارەكێ دا بۆ بەرپەرێ هونەری یێ رۆژناما ئەڤرۆ دیاركر كو نوكە ئەو مژوولی سترانەكێ و ل نێزیك دێ تۆماركەت و بەلاڤ كەت و دیسان د جەژنا قۆربانی ژی دا دو سترانێن خوە یێن كەڤن نووكرن و ل یوتیوبێ خوە یێ تایبەت بەلاڤكربوون.
مەحمودی زێدەتر گۆت: ددەمەكی دا گەلەك رەخنە بۆ من هات دەربارەی گۆتنا سترانا توركی و ئەز بخوە گەلەك حەز ژ سترانا توركی دكەم و گوهدار ژی حەز ژێ دكەن و گەلەك جاران ژی ژ من هاتیە داخوازكرن ئەز بێژم، بەلێ دبەرنامێ من دانینە سترانەكا توركی چێكەم و ب گشتی مۆزیك زمانەكێ جیهانی یە ئەڤجا چو كوردی بیت، یان عەرەبی ، یان توركی بیت و من پەیامەكا هونەری یا پاقژ گەهاندیە، ژبەر كو پەیاما هونەری یا مرۆڤایەتیە و دسترانێن كوردی دا گەلەك هونەرمەند هەبووینە قوتابخانە وەكو محەمەد عارف و تەحسین تەها و محەمەد شێخو و سترانێن تەحسین تەهای سترانەكا هەڤچەرخە و پتر نێزیكی دەنگێ منە و ل هەموو جهان پتر سترانێن وی دبێژم و ژبەركو دەنگ و ستایلێ من یێ تایبەتە و دەنگ یێن هەین ل گەل دەنگێ من ب گونجن ژ بۆ گۆتنا سترانا دوقۆلی.
مەحمودی گۆت: زارۆیێن من ژی یێن مەزن بووین، بەلێ دبینم ئارازویا ستران گۆتنێ ل دەڤ ئەوان نینە و گەلەك دبێژن یا گرنگە سترانبێژ ئامیرەكێ مۆزیكێ ژی بزانیت، بەلێ دبینم نەیا گرنگە و هەرجهەكێ دچمێ مۆزیكژەن یێن هەین و ل گەل من دژەنن.
دلایەكێ دی دا گۆت: نەیێ پەشێمانم من ناڤێ گوندی خوە بامەرنێ كریە پاشناڤێ خوە و گەلەك كەسان ناڤێ گوندێ خوە كریە پاش ناڤێ خوە و ئەم بامەرنی ب سەر چو عەشیرەتاڤە نین و د سەربەخوەینە و یێ سەر بلندم ب ئەڤی ناڤی و ل دەستپێكا من چەند سالان من ناڤێ خوە كربوو مەحمود ئەسوەد و پاشی بابێ من ژی حەز كر ناڤێ بامەرنی بدانمە ب رەخ ناڤێ خوە ڤە و ل ئەوی دەمی بتنێ دناڤ بامەرنیان دا بتنێ ئەز بووم و نوكە سترانبێژەكێ دی ژی ژ گۆندێ مە هەیە.
سترانێن هونەرمەند (تەحسین تەها)ی نێزیكی دەنگێ منن
نيشاندان