ئاكرێ، رهمهزان زهكهریا:
پارێزگارێ دهۆكێ ههژمارهكا پڕۆژهیێن خزمهتگوزاری ب گوژمێن جودا ل ههرسێ دهڤهرداریێن شێخان و بهردهڕهش و ئاكرێ راگههاندن.
دكتۆر عهلی تهتهر، پارێزگارێ دهۆكی ب گوژمێ ملیارهك و 563 ملیۆن دیناران ل دهڤهرداریا شێخان، پرۆژێ قێركرنا رێكێن ناڤخوهیی ل گهرهكا مهلایین ل سهنتهرێ دهڤهرداریا شێخان و سهخبێریكرن و قێركرنا رێكێن ناڤخهیی ل سهنتهرێ كۆمهلگهها چڕهی و سهخبێریكرن و قێركرنا رێكێن ناڤخوهیی ل سهنتهرێ ناوچهداریا باعهدرێ رهوانهی بجهئینانێ كرن.
پارێزگاری ل دهڤهرداریا بهردهڕهش ژی ههژمارهكا پڕۆژهیان ب گوژمێ ملیارهك 682 ملیۆن و 300 هزار دیناران رهوانهی بجهئینانێ كرن، كو ژ چێكرنا رێكێن ناڤخوهیی ل سهنتهرێ ناوچهداریا كهلهك و چێكرنا رێكان ل ناوچهداریا رۆڤیا و چێكرنا سایدێ دویێ ژ چواریانا خێلهكی ل سهنتهرێ بهردهڕهش و چێكرنا جادێن ناڤخوه ل سهنتهرێ دهڤهرداریا بهردهرهش پێك دهێن.
دیسا پارێزگارێ دهۆكێ ل دهڤهرداریا ئاكرێ ژی ههژمارهكا پڕۆژهیان ب گوژمێ دو ملیار و 400 ملیۆن و 300 هزار دیناران رهوانهی بجهئینانێ كرن، كو ژ پڕۆژێ سهخبێریكرن و قێركرنا چهندین جادێن ناڤخوه ل گهرهكێن نوو ییێن ئاكرێ و چێكرنا رێكێن ناڤخوه ل سهنتهرێ ناوچهداریا دینارته و قێركرنا جادا قوتابخانا تاخێ دهواجن و جادا قۆتابخانا پێكهسهر و كونكریتكرنا جادا گهرهكا شهڤیلكا پێك دهێن.
نيشاندان