ب، سهرجان مهحمود:
یان ستۆلتێنبێرگ سكرتێرێ گشتی یێ ناتۆ پشتی كۆمبوونا ل گهل ئانتۆنی بلینكن وهزیرێ دهرڤه یێ ئهمریكا راگههاند كو ناتۆ هژمارا هێزێن خوه ل رۆژههلاتێ ئۆرۆپا زێده كریه و گۆت: (ئهم دخوازین رۆسیا شهڕی راوهستینیت و ب دیالۆگێ پرسێن خوه ل گهل ئۆكرانیایێ چارهسهر بكهت و رێزێ ل سهروهریا ئۆكرانیایێ بگریت، لێ ژ درێژبوونا شهڕی و رژدیا رۆسیا د شهڕی دا ئهم وهكو ناتۆ نهچارین كو هێزێن خوه ل رۆژههلاتێ ئۆرۆپا زێدهتر بكهین و د ههمان دهمێ دا دهێته خواستن كو ل ههمبهر گهفێن رۆسیا ههم خوه بۆ ههر ئهگهرهكێ ژی بهرههڤ بكهین و د ئامادهباشیهكا تهمام دا بین).
سكرتێرێ ناتۆ ههروهسا راگههاند ژی كو ئهو وهكو ناتۆ بهردهوام هاریكاریا ئۆكرانیایێ دكهن و دڤێت ئوكرانیا ب چو رهنگهكێ خوه رادهستی رۆسیا نهكهت و بهرگریێ بكهت و گۆت: (ئۆكرانیا وهلاتهك ئازاده و دێ وهسا ژی مینیت و وهكو ناتۆ ژی ئهم ژی دێ بهردهوام هاریكاریا ئۆكرانیایێ كهین، چونكی ئارمانجا رۆسیا تنێ ئۆكرانیا نینه و ههكه رێگری ل رۆسیا نههێته كرن رۆسیا دێ بیته مهترسی بۆ ههموو ئۆرۆپا، ژ بهر هندێ ژی دڤێت ئهم خوه بۆ شهڕێ رۆسیا بهرههڤ بكهین).
نيشاندان