نێچیرڤان بارزانی سەرۆکێ هەرێما کوردستانێ دەنگ ب پشتەڤانێن یانەیا زاخۆ دا، د ڕاوەرگرتنا تایبەت یا ژلایێ فدراسیۆنا فوتبۆلا جیهانی فیفا بۆ باشترین پشتەڤانێ سالا ٢٠٢٥ێ ئەوا یانەیا زاخۆ ئێک ژ سێ بەربژارێن بهێزە کو دبیتە بۆ جارا ئێکێ د دیرۆکا خوە دا و ل سەر ئاستێ کێشوەرێ ئاسیا و رۆژهەلاتا ناڤێن یانەیەک پشکداربیت.
سەرۆکێ هەرێما کوردستانێ د پۆستەکێ خۆ یێ فێسبۆکێ د تۆرا چڤاکی دا دیارکرییە ئەوی ب شێوەیێ ئۆنلاینێ دەنگ ب پشتەڤانێن یانەیا زاخۆ دایە و نڤێسییە: ب دەنگدانا ئۆنلاینێ پشتەڤانییا خوە بۆ جەماوەرێ یانەیا زاخۆ یا وەرزشی کر، ژبۆ وێ یەکێ ناسناڤێ ئێکەم باشترین پشتەڤان ل سەر ئاستێ جیهانێ ببەت، هیڤی خوازم هەر کوردستانیەک ل کیڤە بیت پشکداری دەنگدانێ بن و دەنگی بۆ بدەن ژبۆ هندێ ناسناڤێ جیهانێ ببەن.
هەروەسان نێچیرڤان بارزانی گۆت: سۆپاسی بۆ فیفا دکەین کو پشتەڤانێن یانەیا زاخۆ ب ئێک ژ سێ بەربژاران بۆ باشترینان دەستنیشان کرییە.
هەژی گۆتنێ یە ل دووڤ ئەکوانتێ فەرمی یێ فدراسیۆنا جیهانی سێ پشتەڤانێن وەرزشی یێن جیهانی بەربژارکرینە بۆ خەلاتێ The Best کو پێکهاتینە ژ هەر ئێک پشتەڤانێن یانەیا زاخۆ، ئەلیخاندرۆ سیحانۆتۆ ژ ئەرجەنتینێ و مانوێل کاسیریسۆ ژ ئیسپانیا، ئەڤچەندە هاتییە ژبەر ئەوان شێوازێ جوان و هەلوەستێ مرۆڤاتی و پشتەڤانییا سەردەمانە یێن د وەرزێ بۆری دا د خولێن جودا دا هاتینە کرن، یانەیا زاخۆ کەمپینەیێن بەردەوام مەزن داناینە ژبۆ کۆمکرنا زێدەترین دەنگان ئەوا بڕیارە ل ٢٨ێ ڤێ مەهێ د ڕێورەسمەکێ سالانە دا ل سویسرا باشترین یاریزان، یانە، راهێنەر، هەلبژارتی، جوانترین گۆل و باشترین پشتەڤانێن ل سەر ئاستێ جیهانێ بۆ سالا ٢٠٢٥ێ دیار بکەن. ژلایه‌كێ‌ دووڤه‌ سه‌ربه‌ست له‌زگین ئه‌ندامێ‌ مه‌كته‌با سیاسی و به‌رپرسێ‌ مه‌كته‌با ڕێكخستنا پارتی ل ده‌ڤه‌را به‌هدینان ژی ده‌نگێ‌ خوه‌ بۆ جه‌ماوه‌رێ‌ زاخۆ دا و بڤی شێوه‌یی گۆتییه‌: دەنگێ تە نیشانا حەزژێكرنا تەیە بۆ وەرزشا كوردستانێ، من دەنگێ خو داو توژی دەنگێ خو بدە جەنابێ سەرۆك بارزانی دبێژیت وەرزش ل هیچ كارەكێ سیاسی كێمتر نینە، . ئەڤرو ب شەرەف و شانازی ئەم د دەمەكێ مێژوویی داینە كو ناڤێ زاخۆ ،ناڤێ كوردستانێ ب گشتی د ناڤا لیستا دەستهەلاتدارا یا فیدراسیونا نێڤ دەولەتی یا تەپا پێ (فیفا ) دا دهێت.دڤێ چوارچوڤەیی دا من ژی دەنگێ خو دا پشتەڤانێن یانا زاخۆ،لەورا داخوازێ ل هەمی تەخ و چینێن جڤاكی دكەم نەخاسمە كادرو ئەندام و لایەنگرێن پارتی وەكو چاوا د هەمی دەمەكێ دا هەوە سەرێ دەڤەرا بەهدینان بلند كریە.من باوەری هەیە بۆ ڤی كاری ژی هنگ هەمی پێكڤە دێ دەست هەلینن و دێ دەنگێ خۆ دەنە پشتەڤانێن یانا زاخۆ بۆ هندێ ئەم هەمی پێكڤە بشیێن نەخشێ كوردستانێ و ناڤێ زاخۆ ببینە سەر نەخشێ جیهانێ. ئەز چاڤەرێ دلسۆزی و خەمخوریا هەوەیێن عەزیزو خوشتڤی مە.

قەیس وەیس:

بڕیارە ئەڤرۆ سێ‌ یانەیێن وەرزشی ل سنۆری پارێزگەها دهۆكێ‌ دێ‌ دەست ب هەلبژارتنێن خوە یێن وەرزێ‌ نوو بۆ چار سالێن داهاتی كەن ژبۆ ژێگرتنا كارگێرییێن نوو یێن یانەیێ‌، ئەوا دێ‌ هەتا شەمبییا بهێت پرۆسەیا هەلبژارتنان یا بەردەوامبیت.
ل دووڤ خشتەیێ‌ هاتیە بەلاڤكرن چاڤەڕێ‌ دهێتە كرن ئەڤرۆ هەر سێ‌ یانە یێن دێ‌ هەلبژارتنان كەن، ل دەمژمێر 10 سپێدێ‌ یانەیا سێمێل دێ‌ هەلبژارتنێن خوە ل هۆلا رەوشەنبیری ل باژێرێ‌ سێمێلێ‌ كەت، پرۆسەیا دویێ‌ یا هەلبژارتنان دێ‌ ل دەمژمێر دو پشتی نیڤرۆ یانەیا ئافرەتێن دهۆكێ‌ دێ‌ ل هۆلا گرتییا لژنەیا ئۆلمپی تایێ‌ دهۆكێ‌ كەت، پرۆسەیا سێیێ‌ یا هەلبژارتنان ل دەمژمێر چارێ‌ ئێڤاری یانەیا سەنحاریب دێ‌ ل هۆلا گرتییا بنگەهێ لاوان كەت.
د دیدارەكا رۆژنامەڤانی دا بۆ ئەڤرۆ سەردار سالح سەرۆكێ‌ یانەیا ئافرەتێن دهۆكێ‌ ڕەدكر ئەو دوبارە خۆ بۆ پۆستێ‌ سەرۆكێ‌ یانەیا ئافرەتێن دهۆكێ‌ بەربژاربكەت و گۆت: دێ‌ دەلیڤێ‌ دەمە كەسەكێ‌ دی ئەو خۆ بۆ پۆستێ‌ سەرۆك یانە بەربژار بكەت، دو سالێن بۆری یێن سەرۆكاتییا من، دگەل هەڤالێن خۆ ئەم شیاین دو ناسناڤێن كوردستانێ‌ و ئێكا پارێزگەهێ‌ یێ‌ یارییا فوتسالێ‌ ب دەستڤە بینن دگەل ناسناڤێ‌ قارەمانیێن نێڤدەلەتی و عەرەبی و ئیراقێ‌ بۆ یارییا تیكۆنجتسۆیێ‌، داخوازا سەركەڤتنێ‌ بۆ كارگێرییا نوو دكەم.
هەروەسان ناڤهاتی گۆت: تایبەتمەندییا من یارییا باسكێت بۆلێ‌ یە، وەكو یاریزان، دووڤدا ڕاهێنەر كو چەندین سالان ل یانەیێن جودا یێن پارێزگەهێ‌ و هەولێرێ‌ كرییە، بۆ من خۆشترە كارێ‌ كارگێریێ‌ و راهێنەراتیێ‌ د یارییا باسكێت بۆلێ‌ دا بكەن ژبەركو بوویە پشكەك د ژیانا من دا.
ل دووڤ زانیاریێن بەردەستێ‌ رۆژنامەیا ئەڤرۆ، دبیت چو هەڤڕكییەكا بهێز دناڤبەرا بەربژاران دا نەبیت بتنێ‌ ل هندەك ئەندام زێدەبن و پرانییا یانەیێن پشكدار د پرۆسەیا هەلبژارتنان دا دێ‌ ب لیستێن تمامەكر هێنە داناڤ هەلبژارتنان دا ئانكو پرانییا وان كەسێن پێشتر دگەل یانەیێ‌ دێ‌ بۆ چار سالێن دیتر مینن، دهێتە پێشبینكرن سەرۆكێن یانەیێن سێمێلێ‌ د. هاریوان عابد و سەرۆكێ‌ یانەیا سەنحاریب داود رەبەن ل پۆستێ‌ خوە بمینن ژبەر رۆلێ‌ وان یێ‌ كاریگەر دگەل یانەیێن وان.
بۆ زانین ل دووڤ ڕێنمایێن هەلبژارتنان بتنێ‌ ئەوان كەسێن مافێ‌ دەنگدانێ‌ هەنە یێن ناڤێن وان د لیستا گشتی دا ئەوا پێشتر بۆ ڕێڤەبەریا وەرزش دهۆك هاتییە هنارتن، ئەو كەسێن ب دەركەڤن ژ پێنچ ئەندامان كێمتر نەبیت، هەكە كێمتر بوو دێ‌ دوبارە هێتە كرن و نەهـ ئەنداما زێدەتر نابیت، دووڤدا دێ‌ كارگێرییا نوو د كۆمبوونا خوە یا ئێكێ‌ دا سەرۆك، جێكر، سكرتێر و ڕێڤەبەرێ‌ دارایی دەستنیشانكەن ب شێوەیێ‌ دەنگدان و دێ‌ بۆ ڕێڤەبەرییا ناڤهاتی ب نڤێسارەكا فەرمی هێتە هنارتن.
بریارە ئەڤرۆ ژی سێ‌ یانەیێن ل سەنتەرێ‌ دهۆكێ‌ دێ‌ هەلبژارتنێن خوە كەن، ل دەمژمێر 10ی سپێدێ‌ یانەیا پۆلی تەكنیك، ل دەمژمێر دو پشتی نیڤرۆ یانەیا میدیا، ل دەمژمێر چارێ‌ ئێڤاری یانەیا فرۆكەڤانییا دهۆك دێ‌ هەلبژارتنێن خوە كەت.

یانەیا بەرشەلۆنا یا ئسپانی پلانەكا دووم درێژ دانایە و هزر د چوونا ستێرێن خوە یێ‌ پۆلەندی رۆبێرت لیڤاندۆڤێسكی كرییە ب ئینانا یاریزانەكی ل جهێ‌ وی بگریت بێ‌ كۆ بكەڤیتە د ئاریشەیا نەبوونا هێرشبەران دا.
رۆژنامەیا سپۆرت یا كاتەلۆنی بەلاڤكرییە، پشتی ئەو ناكۆكییا دناڤبەرا لیڤاندۆڤێسكی و كارگێرییا یانەیا بەرشەلۆنا ل سەر كێمكرنا مووچەیێ‌ وی هەتا نوكە بابەت ئێكلا نەبوویە و پێشبینیێن مەزن هەنە بۆ وەرزێ‌ بهێت لیڤاندۆڤێسكی دگەل بەرشەلۆنا بەردەوام نەبیت، ئەڤچەندە بەرپرسێن بەرشەلۆنا دزانین لەوما ژی ئەڤە زێدەتری مەهەكە پلانەكا دووم درێژ دانایە ژبۆ ئینانا هێرشبەرێ‌ یانەیا بایرن میونخ یا ئەلمانی هاری كین ئەوێ‌ بەرهەڤییا خۆ دیاركری گرێبەستا خۆ دگەل بایرنێ‌ ب هەلوەشینیت بەرانبەر 65 ملیۆن دۆلاران ب مەرجەكی بەرشەلۆنا گرێبەستەكا درێژ بۆ بدانیت دگەل گەهشتنا ڕێكەڤتنێ‌ دگەل بایرنێ‌.
یانەیا بەرشەلۆنا ب هەر شێوەیەكێ‌ هاری كین دڤێت و پێنگاڤێن هاڤێژتین، مووچەیێ‌ وی دگەل بجهئینانا بەندێن گرێبەستێ‌ وەكو دەستپێك ڕازیبوویە، لێ‌ ئاریشەیا بەرشەلۆنا ئێك ئێكلاكرنا لیڤاندۆڤێسكی یە و یا دویێ‌ هندەك یانەیێن دی ژی دڕێكێ‌ دانە و دڤێت ل سەر داخوازیێن هاری كین ڕازیبیت هەكەر نە یانەیا پاریس سانجێرمان بەرهەڤە، دیسان دو یانەیێن سعۆدیێ‌ مەزنترین گرێبەست بۆ بەرهەڤكریە، پێشبینی دهێتە كرن هەتا ڤەگۆهاستنێن ڤێ‌ زڤستانێ‌ بابەت ئێكلا بیت.