زاخۆ، دلۆڤان هالۆ:

چارەسەرکارەکێ دەروونی دیار کر کو مەژیێ مرۆڤی ژ بۆ پاراستنا کۆنتڕۆل و ئارامیێ بەرهنگاری گۆهوڕینان دبیت، هەتا ئەگەر ئەو گۆهوڕینە بەر ب باشتربوونێ ژی بن و گۆت؛ گۆهۆڕین نە گەشتەکە بەر ب کەیفخۆشیێ، بەلکو گەشتەکە بەر ب وێرەکیا مانێ د نەدیاریێ دا.

چارەسەرکارێ دەروونی شێرکو عەبدوللا، د دیدارەکێ دا بۆ ڕۆژنامەیا ئەڤرۆ دیار کر گەلەك جاران دەمێ مرۆڤی دڤێت پێنگاڤەکێ بەر ب گۆهوڕین و باشتربوونێ بهاڤێژیت یان نەریتەکێ خۆ یێ کەڤن ئەوێ کو مرۆڤی بریندار دکەت بهێلیت، مرۆڤ هەست ب هێزەکا نەدیار دکەت کو مرۆڤی پاشڤە دزڤڕینیت و گۆت؛ ئەڤ چەندە ژی پاراستنا مەژیە ژ وێ کەسایەتیا پێشتر مرۆڤی بۆ خۆ ئاڤا کری.
شێرکو ئاماژە ب وێ چەندێ ژی کر کو مەژیێ مرۆڤی بەرۆڤاژی وێ باوەریێ یە کو ئاشقێ داهێنانێ یە د ڕاستیدا ئاشقێ ئارامیێ یە، چونکی ژ بۆ مەژیێ مرۆڤی نەریتەکێ نە باش کو بەردەوام دووبارە ببیت خۆشتر و ب سلامەتترە ژ گۆهوڕینەکا نە دیار و گۆت؛ چونکی ل دەمێ کو مرۆڤ دەست ب گۆهۆڕینێ دکەت، مێشکێ مرۆڤی ب دەنگەکێ بلند نە ڕازیبوونا خۆ دەردبڕیت.
چارەسەرکارێ دەروونی زێدەتر گۆت؛ ئەو بێزاریا کو مرۆڤ هەست پێ دکەت و ئەو دوو دلی یا د دەروونێ مرۆڤی دا دروست دبیت، بەرسڤدانا مەژیێ مرۆڤییە بۆ بێسەروبەریێ، چونکی مەژی وەسا ددانیت کو گۆهۆڕین ب ڕامانا ژ دەستدانا کۆنتڕۆلێ دهێت.
شێرکو گۆتژی؛ ئەو بێزاریا کو مرۆڤ ل دەمێ گۆهوڕینێ هەست پێدکەت، نە بەلگەیا وێ چەندێ یە کو مرۆڤی شاشیەك کریە، بەلکو بەلگەیا وێ چەندێ یە کو مرۆڤ مژوولی شکاندنا قالبێ خۆ یێ کەڤنە، ژ بۆ وێ چەندێ کو مێشکێ مرۆڤی ڕێیێن نوو دروست بکەت، پێدڤیە ب ئێشانا نەزانین و بێ ئاگەهیێ دا دەرباز ببیت”.
چارەسەرکارێ دەروونی د بەردەوامیا ئاخفتنێن خۆدا دیار کر، گۆهۆڕین نە گەشتەکە بەر ب کەیفخۆشیێ، بەلکو گەشتەکە بەر ب وێرەکیا مانێ د نەدیاریێ دا، و ئازادیا ڕاستەقینە ل وی جهی دەستپێدکەت کو مێشکێ مرۆڤی دەست ب دەربڕینا نە ڕازیبوونێ بکەت و گۆت؛ چونکی مرۆڤ ئەو بوونەوەرە کو دشێت ب ئەنقەست خۆ ژ بەختەوەریێ ڤەقەتینیت.
چارەسەرکارێ دەروونی شێرکو گۆت؛ لەوما ئەگەر مرۆڤ بەردەوام د وێ بازنەیێ دا زڤڕی یا کو مەژیێ مرۆڤی دەستنیشان کری، هینگێ ئەم بەرهەمێ خۆ یێ ڕابردوویی نە، ئانکو ئەم نە دروستکەرێ پاشەڕۆژا خۆینە”.

سالار محەمەد دۆسكی:

7-13

ئەز هاتمە سەر جادێ‌ و هاتم هەتا هاتیمە سەر پرا نێزیك قائیمقامیێ‌ وی دەمی دگۆتنە وێ‌ پرێ‌ پرا سەعدون و دەسپێكا كومبوونێ‌ یە و ژ هەمی ئالیەكی ڤە قوتابیێ‌ دهێن و قوتابیێ‌ دهێن جلكێن فتوە ل بەردانە و چاڤدێریەكا توند یا ل سەر كومبوونێ‌ هەی و كی دهێت و چ لڤین دهێنەكرن، ژ نیشكەكێ‌ ڤە من دیت قوتابخانەكا دهێت و هەر هەمی قوتابیان جلكێ، فتوا ل گەل دانە و مامۆستایێ‌ چاڤدێریێ‌ ل سەر دكەن و هەتا مامۆستا ژی جلكێن رەفیقا كرینێ‌ و مامۆستایەكا ئافرەت ژی ل گەل دا هەبوو و ئەوێ‌ ژی جلكێن رەفیقا كربوونێ‌ و هەر هەمی بەرەف كومبوونێ‌ دچن و ئەز بەرۆڤاژی یێ‌ ژ كومبوونێ‌ دوركەڤم و بەرۆڤاژی هاتنا قوتابیان ژ ناڤ كومبوونێ‌ دەركەڤم، هەمان دەم هەڤالەكێ‌ سندی ژ گەهشتمە من و ئەم بووینە دو كەس كو بەرۆڤاژی قوتابیان دەركەفتین ژ كومبوونێ‌ و من ژ نیشگەكێ‌ ڤە دیت ئەو مامۆستا ئافرەت یا ب جلكێن رەفیقا یا چاڤدێریا من دكەت بەلێ‌ من چ هزر نەكر وی دەمی قوتابیێن پولا شەشێ‌ ئامادەیی ل زاخۆ دهاتنە هژمارتن زانكو چونكە چ قوناغێن هوسا پێشكەفتی نەبوون و قوناغا مە یا دووماهیێ‌ بوو و هاتە بیرا من كو ئەو مامۆستا ئافرەت یا رەفیق بناڤێ‌ نەعیما داود نوكە ل وەلاتێ‌ فەرنسا دژیت هەڤالا وی مامۆستایێ‌ مەیێ‌ رەفیق بوو ئەوێ‌ مە ڤەگوهاستی و هەر یا چاڤدێریا من دكەت ئەز یێ‌ ب عەكسی قوتابیان دەركەڤم ژ مەسیرێ‌ و ئەو سەر بان ژی هەمی دگرتینە ژ زەلامێن ئستخبارت و ئەمنێ‌ و ئەز چوومە مەكوایێ‌ ڤە و من قاتەك بخوە ل مویسل ب 13 دینارا چێكربوو من بربوو مەكەوایێ‌ و ئەز چووم دا قاتا خوە ژ مەكوایێ‌ بینم و مەكوایێ‌ بوومن كرە دناڤ روژنامەكێ‌ دا و پەرتووكێن قوتابخانێ‌ ژی ل گەل من دا بوون و ب رێكا خوە را زڤریمە ڤە و ئێكسەر ئەو مامۆستا رەفیق ل گەل دویێن مغاویر هاتنە بەر سینگێ‌ من و ئێكسەر وێ‌ مامۆستا رەفیق گۆت ئەڤە ئەو كەسە ئەوێ‌ مامۆستایەكێ‌ مە یێ‌ رەفیق قوتای و نوكە ژی یێ‌ ژ مەسیرا سەرۆك سەدام حسێنی درەڤیت و هەر ئێكی دەستەكێ‌ من گرت و من نەشیا باخڤم و ئێكسەر برم هەتا گەهاندیمە ئاڤاهیێ‌ قائیمقامیێ‌ و ئێكێ‌ ئەمنێ‌ یێ‌ ل ئاڤاهیێ‌ قائیمقامیێ‌ رونشتی بوو و گۆتێ‌ ئەڤە ئەوێ‌ خوە ل مامۆستایێ‌ رەفیق دایی و كەسەكێ‌ نەباشە و نوكە ژی یێ‌ ژ كومبوونا پشتەڤانیا سەرۆك سەدامی درەڤیت و مرۆڤەكێ‌ مغربە و گەلەك تشت و ئاخفتن ل دەرحەقی من دا گۆتن و هەر چ نەما نە گۆت و مامۆستا رەفیق ژی ل سەر من بۆ شاهد و گۆت من ب چاڤێن خوە دیتی یە دەمێ‌ ئەڤە ژ كومبوونێ‌ رەڤی و ئەو بخوە ل من ب هێجەت بوون و زانی من چ كریە و من هەڤالەكێ‌ وا بەری سالەكێ‌ ڤەگوهاستیە و ئەز ئەگەر بووم و دیسا چار رۆژا ئامادەیا بێرسفێ‌ هاتبوو گرتن و خوپیشاندانا قوتابیان و چوونا وا بۆ دهۆكێ‌ ئەڤە هەمی ل بەرچاڤا بوون و ل هێجەتەكێ‌ دگەریان و هەمان دەم ئەو مامۆستا رەفیق یا ژن ژی بۆ شاهد ل سەر من ئێكسەر ئەوێ‌ ئەمنێ‌ دانامە بەر شەق و زلهان و گەلەك ئێشاندم و هەر من گۆت هوسا نینە و ب زمانێ‌ عەرەبی گۆت نە ئاخفە و رەفیقا مە ژ خوە وەنابێژیت و نە ئاخفی و ئەز گەلەك ترسیام چونكە ئەو سێ‌ رۆژ بوو ژ بارەگایێ‌ لژنا محلی ل گەلیێ‌ بازێ‌ هاتبووم و كومەكا بەلاڤووكا من ژ جەمال قەدشی ژ گەلیێ‌ بازێ‌ وەرگرت بوون و هندەك ژ ئەوان بەلاڤووكا من ل بێرسفێ‌ و هیزاوا و دەركارێ‌ بەلاڤكربوون و هندەك ژی دناڤ پەرتووكێن من دا بوون ل مال و راستی گەلەك ترسیام چونكە من زانی گونەهێن من بوونە گەلەك و هەمان دەم ژی برایەكێ‌ من دناڤ رێزێن پێشمەرگەی یە و راستی گەلەك ترسیام و ئێكسەر ئینامە بەر دەرگەهێ‌ قائیمقامیێ‌ و دو پولیسێن ل گەل من ئێكسەر پەیوەندی ب ئەمنا زاخۆ كر و گۆتێ‌ بلا ترۆمبێلا ئەمنێ‌ نوكە بهێتە ڤێرە و من پەرتووكێن خوە دانانە سەر ترۆمبێلا پولیسان و من دەست هاڤێـە قەیتانا پێلاڤا خوە گرێدا و من هزرا رەڤینێ‌ كر چونكە من گۆت ئاریشە و كێشا من ل دەڤ حوكمەتێ‌ بووینە گەلەك و یا باشتر ئەوە ب رەڤم و ئێكسەر رەڤیم و هەر دو پولیسان راهێلا من و هەر گۆت راوستە راوستە بزمانێ‌ عەرەبی ئەز كەتمە ناڤ مەسیرێ‌ و ئێدی لایەكێ‌ كومبوونا پشتەڤانیا سەدامی چاڤێ‌ وا ما ل من و هەر ئێكی گۆتە پولیسان هێرڤە چوو هوسا چوو و من مەسیرە ب دووماهی ئینا و بەرەف بازارێن خەیاتا چووم و و بەرەف تاخێ‌ رویتا چووم و دەستێ‌ منێ‌ چەپێ‌ خانیەكێ‌ ئاخێ‌ بوو و دەرگەهێ‌ وێ‌ مالێ‌ یێ‌ ڤەكری بوو و هەمان دەم پێلاڤا من یا بلند بوو و كەعبی بوو و پولیس ب دیف من ڤە و راستی یا نەخوش و ب ترس بوو و ئێكسەر ئەز چوومە وێ مالێ‌ دا و من ژنەك وێ مالێ‌ دا دیت و من گۆتێ‌ خالەت من قورتال بكە و ئەمنا راهێلیتە من و ژوورەك د ژوورەكێ‌ دا بوو و گۆت داو هەرە ژوور و ئەز چوومە ژوورا پشتێ‌ و تەختەكێ‌ داری بوو و ئەز چوومە بن تەختی ڤە و ئەگەر خودێ‌ تشتەكی دبەت و خراب دكەت هوسا یە و دەركەفت ئەو ژن ژی هەڤالا یێن ئەمنێ‌ و دەركەفت و 30 خولەك دەرباز نەبوون و من دیت حەوشا مالا خالەتێ‌ تژی مرۆڤێن ئەمنێ‌ و ئستخبارات و پولیسان بوون و هەر ئێكسەر هاتنە دناڤ ژوور ڤە و ئەز ژ بن تەختی دەرخستم و هوسا دانا من و هەر ئێكی ژ ئالیێ‌ خوە ڤە و هەر جهێ‌ لەشێ‌ من دەستێ‌ وان كەتبایێ‌ شەق و پێن و یا ژ دەستی هاتی ل گەل من كر و ئێكسەر كولانەكێ‌ را دەربازكرم بنگەهێ‌ پولیسان لایێ‌ كەلها زاخۆ بوو و هاڤێتمە دناڤ ژوورەكێ‌ دا و كومبوونا پشتەڤانیا سەدام یا هوسا یە و هند مرۆڤ كوم كرینە و كەسەك نەشێن نە بهێت نە بچیت و نەشێن ل پێش چاڤێن خەلكی من دەرباز بكەن و ببن، پشتی كومبوونا پشتەڤانیا سەدام ب دووماهی هاتی ترۆمبێلەكا ئەمنێ‌ هاتە بەردەرگەهی و دو جەلادێن ئەمنێ‌ دەستێ‌ منێ‌ گرتی و هاڤێتمە ترۆمبێلا ئەمنێ‌ دا و هوسا ئەزێ‌ قوتایم سەرێ‌ ل من پەقاندی و دەمێ‌ ڤەگوهاستیمە ئەمنێ‌ من دیت كورەكێ‌ دژوور ڤە من گۆتێ‌ تە خێرە گۆت خەلكێ‌ كەركووكێ‌ مە ل سەسر سنوری گرتیمە و من ئنیەت بوو بچمە توركیا بەلێ‌ ل سنوری هاتیمە گرتن و پشتی كومبوونا پشتەڤانیا سەدامی ب فەرمی ب دووماهی هاتی جارەكا دی ئەوێن ئەمنێ‌ هەر هەمی هاتنە ئەمنێ‌ و هەر هەمیان پێكڤە دانا من و گۆت دانپیدانێ‌ بكە و پەرێن منێن كەڤن هەمی ڤەكرن و گۆت ئەم زانین ئەو دەنگ و باس تە هنارت بوونە ئێزگەی و دانپیدانێ‌ بكە و ناڤێ‌ تە دهاتە خاندن شەهید و دڤێت تو دانپیدانێ‌ بكەی و دلێ‌ جەلادێن ئەمنێ‌ ژمن یێ‌ تژی بوو و ئەو چەند بوو بخوە ل هێجەتەكێ‌ دگەریان و جورێ، ئەشكەنجەدانێ‌ ل لەشێ‌ من هاتنە بكارئینان هەلاویستن و فەلاقە و جورێن كێبلا و كەهرەبێ‌ و هەر تشتێ‌ ڤیایی ل گەل من دا كر و من دانپیدان نەكر و نێزیكی 20 رۆژا دەرباز بوون و ئەزێ‌ دهێمە ئەشكەنجەدان و ئەو بوو خودێ‌ ئەز نە بربووم و هەمان دەم دایك و باب من ژی یێ‌ بەردەاوم ل من دگەرن و كەسەك نوزانیت ئەز ل كیڤە مە.